St Bus Video Viral : हातात छत्री घेऊन चालक चालवतोय बस; अहेरी आगारातील बसचा आणखी एक व्हिडिओ व्हायरल

एकीकडे राजकीय मंडळी गडचिरोलीत विमानतळ उभारण्याच्या बाता करत असल्या तरी गडचिरोलीत सार्वजनिक वाहतूक व्यवस्थेचे धिंडवडे उडाल्याचे चित्र गेल्या काही दिवसात पाहावयास मिळत आहे. राज्य परिवहन महामंडळाच्या भंगार बसचा मुद्दा यामुळे समोर येत आहे. पाऊस सुरू असताना बसमध्ये छत गळत असल्याने चक्क चालक बसमध्ये छत्री घेऊन बस चालवत असल्याचा धक्कादायक प्रकार समोर आला. या नव्या व्हिडिओमुळे अहेरी आगारातील भंगार बसगाड्यांचा प्रश्न पुन्हा चर्चेचा विषय बनला आहे.