Solapur Politics : मतदानाआधीच अजित पवारांना धक्का; सोलापुरात भाजपने राष्ट्रवादीचा अधिकृत उमेदवार फोडला

Solapur Politics : सोलापुरमध्ये महानगर पालिका निवडणुकीदरम्यान भाजपने नवी खेळी खेळली. भाजपने उपमुख्यमंत्री अजित पवार यांना मोठा धक्का दिला. भाजपने राष्ट्रवादी काँग्रेसचा उमेदवार फोडला. मतदानाला ३ दिवस शिल्लक असतानाच राष्ट्रवादीच्या उमेदवाराने भाजपमध्ये प्रवेश केला. त्यामुळे सोलापुरमधील राजकीय वर्तुळात खळबळ उडाली.

मतदानाला ३ दिवस शिल्लक असताना सोलापुरमध्ये राष्ट्रवादीच्या उमेदवाराने भाजपमध्ये प्रवेश केला. सोलापुरातल्या प्रभाग क्रमांक ९ 'ड' मधील राष्ट्रवादी काँग्रेस अजित पवार गटाचे उमेदवार तुषार जक्का यांनी भाजपमध्ये प्रवेश केला. पालकमंत्री जयकुमार गोरे आणि आमदार देवेंद्र कोठे यांच्या उपस्थितीत तुषार जक्का यांनी भाजपचे कमळ हाती घेतले. त्यामुळे सोलापुरमध्ये अजित पवारांच्या राष्ट्रवादीला धक्का बसला.

Pune : पुण्यात 56 बोगदे, एलिव्हेटेड कॉरिडॉर... येरवडा-कात्रज 54 किलोमीटरचं भूमिगत जाळं; शहरात मोठी योजना

सोलापूर महानगर पालिकेच्या प्रभाग क्रमांक ९ ड मध्ये भाजपचे उमेदवार मेघनाथ येमूल, राष्ट्रवादी काँग्रेस अजित पवार गटाचे उमेदवार तुषार जक्का आणि शिवसेना ठाकरे गटाचे उमेदवार सुरेश गायकवाड यांच्यात लढत होणार होती. पण भाजपने ऐनवेळी खेळी करत राष्ट्रवादीच्या अधिकृत उमेदवाराला भाजपत घेतल्याने एकच खळबळ उडाली आहे.