Solapur News : सोलापुरात अजितदादांची ताकद वाढली; ४ बड्या नेत्यांनी सोडली शरद पवारांची साथ

Solapur News : शिवसेना आमदार अपात्र प्रकरणाचा निकाल लागल्यानंतर आता राष्ट्रवादी आमदार अपात्र प्रकरणाची सुनावणी सुरू आहे. विधानसभा अध्यक्ष राहुल नार्वेकर ३१ जानेवारीपर्यंत यावर निकाल देण्याची शक्यता आहे. मात्र, त्याआधीच शरद पवार गटाला एक मोठा धक्का बसला आहे. सोलापुरातील ४ खंदे समर्थक अजित पवार गटात सामील होणार असल्याची माहिती आहे.

सोलापूर महापालिकेतील माजी गटनेते आनंद चंदनशिवे, माजी गटनेते तौफिक शेख, नगरसेवक गणेश पुजारी, नगरसेवक इरफान शेख यांनी मंगळवारी मुंबईत येऊन उपमुख्यमंत्री अजित पवार यांची भेट घेतली.

Vaijapur Bandh : उपजिल्हाधिका-यांवरील कारवाईसाठी वैजापूरात कडकडीत बंद

या भेटीनंतर चारही माजी सेवकांनी अजित पवार गटात सामील होण्याचा निर्णय घेतला आहे. या महिनाअखेरीस उपमुख्यमंत्री अजित पवारांच्या उपस्थितीत सोलापुरात हा पक्षप्रवेश सोहळा पडणार पार असल्याची माहिती आहे.

विशेष बाब म्हणजे, शरद पवार लवकरच सोलापूरचा दौरा करणार आहे. मात्र, या दौऱ्याआधीच ४ माजी नगरसेवकांनी अजित पवार गटात प्रवेश करण्याचा निर्णय घेतलाय. ऐन लोकसभा निवडणुका तोंडावर असताना ४ खंदे समर्थक अजित पवार गटाच्या वाटेवर असल्याने शरद पवार गटाचं टेन्शन वाढलं आहे.

यातील तौफिक शेख यांनी ‘एमआयएम’च्या उमेदवारीवर सोलापूर शहरमध्ये विधानसभेची निवडणूक लढवली होती. तर, आनंद चंदनशिवे हे तीनवेळा नगरसेवक म्हणून निवडून आले असून त्यांची शहरात ताकद आहे.