पुणे: 'रूम शेअर' करण्यावरून वाद आणि लग्नाला विरोध; केतन अग्रवालच्या हत्येचा सिया गोयलचा भयानक कट उघड.

पुणे: लोहगड किल्ल्यावर १८ जून रोजी घडलेल्या केतन अग्रवाल (२६) यांच्या मृत्यूने सर्वांनाच हादरवून सोडले होते. सुरुवातीला हा अपघात वाटणाऱ्या या घटनेमागे एक अत्यंत थंड डोक्याने रचलेला खुनाचा कट असल्याचे आता समोर आले आहे.

या प्रकरणातील मुख्य आरोपी आणि केतनची होणारी पत्नी सिया गोयल हिने आपल्या प्रियकराच्या मदतीने हा गुन्हा कसा केला, याचा थरारक खुलासा झाला आहे. रूम शेअर करण्यावरून खडाजंगीतपासात असे समोर आले आहे की, सिया गोयलला केतन अग्रवालसोबत लग्नाची अजिबात इच्छा नव्हती.

सूत्रांच्या माहितीनुसार, बाली येथे प्री-वेडिंग शूटसाठी जाण्याचा बेत आखला गेला होता, मात्र तेथे 'रूम शेअर' करण्याच्या मुद्द्यावरून सियाने नाराजी दर्शवली होती. केतनसोबत वैयक्तिक आयुष्यात एकत्र राहणे तिला मान्य नव्हते, त्यामुळे तिने हे लग्न टाळण्यासाठी केतनला वाटेतून हटवण्याचा निर्णय घेतला. आधी बाली ट्रिप, मग लोहगडचा कटसिया आणि केतन यांची बाली ट्रिप रद्द व्हावी, यासाठी सियानेच केतनचा पासपोर्ट गायब केल्याचा संशय पोलिसांना आहे. त्यानंतर तिने केतनला 'बर्थडे सेलिब्रेशन'च्या बहाण्याने १८ जून रोजी लोहगड किल्ल्यावर ट्रेकिंगसाठी नेले.

 

प्रत्यक्षात याआधी १४ जून रोजीही सियाने केतनला तिथे नेले होते, पण त्यावेळी योग्य संधी न मिळाल्याने त्यांचा कट फसला होता. चेतन चौधरीसोबत मिळून रचला कटसियाचा प्रियकर चेतन चौधरी हा कटानुसार आधीच लोहगडवर पोहचला होता. जेव्हा सिया आणि केतन किल्ल्यावर चढत होते, तेव्हा चेतन त्यांच्या मागे होता. ठरल्याप्रमाणे, एका निर्जन ठिकाणी केतनला दरीत ढकलून त्यांची हत्या करण्यात आली. हत्या केल्यानंतर सियाने पोलिसांना फोन करून केतनचा पाय घसरल्याचा बनाव रचला होता.

पोलिसांकडून सीन रिक्रिएशनपुणे ग्रामीण पोलिसांनी रविवारी सिया गोयल आणि चेतन चौधरी यांना घटनास्थळी नेऊन 'सीन रिक्रिएशन' केले. यावेळी डमीचा वापर करून केतनला कशा प्रकारे ढकलले गेले, याचा थरारक क्रम पोलिसांसमोर उघड झाला. सियाने आता आपला गुन्हा कबूल केला असून, पोलिसांकडे या संदर्भातील व्हिडिओ पुरावे आहेत. या प्रकरणात आता विशेष सरकारी वकील उज्ज्वल निकम यांची नियुक्ती करण्यात आली आहे.