Salman Khan House Firing Case : सलमान खानला दिलासा; आरोपीच्या मृत्यूप्रकरणी कोर्टाचे महत्वाचे निर्देश

Salman Khan House Firing Case : अभिनेता सलमान खानच्या घराबाहेर घडलेल्या गोळीबार प्रकरणी मोठी अपडेट समोर आली आहे. याप्रकरणी पोलिसांनी अटक केलेल्या एका आरोपीने आत्महत्या केली होती. याप्रकरणात मुंबई उच्च न्यायालयाने सलमान खानला मोठा दिलासा दिला आहे. या आरोपीच्या मृत्यूप्रकरणी कोर्टाने महत्वाचे निर्देश दिले आहेत. गोळीबाराच्या घटनेतील आरोपीच्या मृत्यूची सीबीआय चौकशी करण्याची मागणी करणाऱ्या याचिकेतील प्रतिवादी म्हणून सलमानचे नाव काढून टाकण्याचे आदेश न्यायालयाने दिले आहेत.

या प्रकरणात अनुज थापन नावाच्या आरोपीने गळफास लावून आत्महत्या केली होती. त्याविरोधात थापनच्या कुटुंबीयांनी या प्रकरणात सीबीआय चौकशीची मागणी केली होती. त्यासाठी त्यांनी मुंबई उच्च न्यायालयात याचिका दाखल केली होती. परंतु कोर्टाने या याचिकेतून सलमान खानचे प्रतिवादी म्हणून असलेले नाव काढून टाकण्याचे आदेश दिले आहेत. त्यामुळे सलमान खानला या प्रकरणात मोठा दिलासा मिळाला आहे.