Ratnagiri : वरवडे येथे एलईडी लाईट व जनरेटर लावून मासेमारीस मदत करणाऱ्या नौकेवर कारवाई

कारवाई करण्यात आलेल्या बोटीवर दहा लाखाहून अधिक किमतीचे एलईडी लाईट व जनरेटर साहित्य ताब्यात घेण्यात आले आहेत.ही नौका साखरीनाटे येथील नसरीन वाडकर यांच्या नावावर अब्बास अली ही नौका आहे. पुढील कारवाईसाठी मत्स्य विभागाकडे वर्ग करण्यात आली आहे.

कस्टम विभागाचे पथक रात्री समुद्रात गस्त घालीत असताना मध्यरात्री साडेबारा वाजण्याच्या सुमारास वरवडे गावापासून १० वाव समुद्रात जनरेटरवर मोठमोठे एलईडी लाईट लावून मच्छीमारांना एक नौका मदत करीत असल्याचे लक्षात आले. कस्टमचे गस्तीपथक त्या ठिकाणी पोहचले असता, मच्छीमारी नौका पळून गेल्या, मात्र एलईडी लाईट दाखवणारी नौका या पथकाने ताब्यात घेतली आहे.

ताब्यात घेण्यात आलेल्या नौकवर कस्टमचे सहाय्यक आयुक्त संदीप कृष्णा यांच्या मार्गदर्शनाखाली कारवाई करण्यात आली. यावेळी या पथकात अधीक्षक अतुल गायकवाड, निरीक्षक अरुण साहू, अक्षय नागुलवार, राम दयाल, प्रमुख हवालदार पी.टी. जाधव, हवालदार रोहीत राजन यांच्यासह गिरीश वॉरियर, सुरज खडपकर, चेतन पाटील, सुकांता मोंडल, कृष्ण बिश्वास, शक्तीवेल पी., तेलमपूर्ती वेंकटसाई, राजाधिकारी, पी. के. स्वेन यांच्या पथकाने ही कारवाई केली.