Punjab Crime : १० रुपयांच्या फ्रूटीचा मोह नडला! तब्बल 8.49 कोटींची लूट करणारी 'डाकू हसीना' पोलिसांच्या ताब्यात

याबाबत अधिक माहिती अशी की,पंजाबमधील तब्बल 8 कोटींची रक्कम लुटणारी ही चोर अवघ्या एका फ्रुटीमुळे पकडली गेल्याची ही घटना आहे. पंजाबच्या लुधियानामध्ये 8 कोटींच्या चोरीची सूत्रधार ‘डाकू हसिना’ मनदीप कौर उर्फ ​​मोना हिला पंजाब पोलिसांनी पकडले आहे. ती उत्तराखंडमधील चमोली येथील हेमकुंड साहिब येथे दर्शनासाठी गेली असताना तिच्या पतीसह तिला पकडण्यात आले. यासाठी पोलिसांनी खास प्लॅनही आखला होता.

मनदीप कौर आणि तिचा पती जसविंदर सिंग नेपाळला पळून जाणार असल्याची माहिती पंजाब पोलिसांना मिळाली होती. नेपाळला जाण्यापूर्वी त्यांनी हरिद्वार, केदारनाथ आणि हेमकुंड साहिबची यात्रा करण्याचेही ठरवले होते. दोघेही यात्रेला गेल्याची माहिती पोलिसांना मिळाली. ज्यावरुन पोलिसांनी हा प्लॅन आखला आणि दोघेही यामध्ये फसले.