Pune Porsche Car Accident : मी कधीच कुणाला सोडवण्यासाठी फोन करत नाही; दमानियांच्या आरोपांवर अजित पवारांचं रोखठोक उत्तर

गेली अनेक वर्ष मी राजकारणात आहे, पण अशा प्रकारच्या कोणत्याच घटनेत कोणाला वाचवण्यासाठी फोन करत नाही, अशी घटना घडली असेल तर कोणाला पाठीला घाला, असं कधीच मी सांगत नाही. पण उलट तेथे जर मी दोषी असेल तरी कारवाई करा असे शब्द माझे असतात, असं उत्तर अजित पवारांनी पत्रकाराच्या प्रश्नाला दिलं.

पुण्यातील हिट अँड रन प्रकरणात पुणे पोलीस आयुक्तांना फोन करून कोणत्याच दबावाला बळी पडू नका, असं सांगितलं. एका श्रीमंत बापाच्या मुलगा या घटनेला कारणीभूत आहे, त्यामुळे या प्रकरणात कोणत्याच राजकीय दबावाला बळी पडू नका अशा सूचना मी पुणे पोलीस आयुक्तांना दिल्याचं अजित पवार म्हणालेत. या प्रकरणात पोलिसांना आर्थिक प्रलोभन दिलं जाऊ शकतं, त्यामुळे पोलिसांनी याची खबरदारी घ्यावी,अशा सूचना आयुक्तांना दिल्यात, असं अजित पवार म्हणालेत.

या प्रकरणात उपमुख्यमंत्री देवेंद्र फडणवीस असो किंवा मुख्यमंत्र्यांनी वेळोवेळी दोषींवर कारवाई केली जाणार असल्याची ग्वाही दिलीय. मी सुद्धा सांगितलंय की, याप्रकरणात कोणतीच हयगय करू नये, असं सांगितलं. जो कोणी या प्रकरणात दोषी असेल त्यांच्यावर कारवाई केली जाईल. दोषींवर कडक कारवाई करण्याचे आदेश देण्यात आलेत.याप्रकरणात अल्पवयीन मुलगा आणि त्यांचे वडील आणि आजोबांवरतीही कारवाई करण्यात आलीय.या दुर्घटनेत दोषी असलेल्यां लोकांवर कारवाई होणारच, अशी प्रतिक्रिया अजित पवार यांनी मुंबईतील पत्रकार परिषदेत दिलीय.