Pune : पुणेकरांसाठी खुशखबर! पुणे–अबु धाबी थेट विमानसेवा सुरू; जाणून घ्या सुरूवातीची तारीख आणि संपूर्ण वेळापत्रक

Pune : पुणेकरांची एक आनंदाची बातमी आहे. एअर इंडिया एक्सप्रेसने पुण्यापासून थेट अबु धाबीपर्यंत विमानसेवा सुरू करण्याची घोषणा केली असून, ही सेवा लवकरच सुरू होणार आहे. गेल्या काही काळापासून पुण्यातील प्रवाशांची युरोप, यूएई आणि इतर गल्फ देशांपर्यंत थेट कनेक्टिव्हिटीची मागणी वाढत होती. या मागणीला मिळालेला हा प्रतिसाद देत एअर इंडियाने हा निर्णय घेतला आहे.

ही सेवा 2 डिसेंबरपासून सुरू होणार असून, पुणेकरांच्या अंतराराष्ट्रीय पर्यटनाला आता वेग येणार आहे. पुण्यातून दर आठवड्याला तीन थेट उड्डाणे अबु धाबीला जाणार असून, प्रवाशांना गल्फ देशात जाण्यासाठी आता मुंबईतून ट्रान्स्फर घेण्याची गरज राहणार नाही. कामानिमित्त किंवा पर्यटनाच्या उद्देशाने गल्फमध्ये जाणाऱ्यांसाठी ही महत्त्वाची सुविधा आहे.

Pune : पुण्यात दृश्यम स्टाइल हत्याकांड; पत्नीला संपवलं, बॉडी भट्टीत जाळली, राख नदीत फेकली अन्.., पतीचं संतापजनक कृत्य

पुणे–अबु धाबी थेट विमानसेवा मंगळवार, गुरुवार आणि शनिवार या दिवशी उपलब्ध असून, पुण्याहून विमान रात्री 20:50 वाजता उड्डाण घेऊन, 22:45 वाजता अबु धाबीला पोहोचेल. परतीच्या प्रवासात, अबु धाबीहून फ्लाइट 23:45 वाजता सुटून आणि दुसऱ्या दिवशी पहाटे 04:15 वाजता पुण्यात पोहचेल.

एअर इंडिया एक्सप्रेसने महाराष्ट्रातील हवाई कनेक्टिव्हिटी वाढवण्याच्या हेतूने आणखी एक महत्त्वाचा निर्णय घेतला आहे. पुण्यासोबतच नागपूर–बंगळुरू मार्गावरील उड्डाणे 1 डिसेंबरपासून सुरू होणार आहेत. या मार्गावर दिवसातून दोन उड्डाणे, सकाळी 10 वाजता नागपूरहून सुटून 12.05 ला बंगळुरू, आणि रात्री 9.05 ची दुसरी फ्लाइट जी 11.10 वाजता बंगळुरूला पोहोचेल. परतीची दोन फ्लाइट्स बंगळुरूहून सकाळी7. 25 वाजता (नागपूर 9.30) आणि संध्याकाळी 6.30 (नागपूर 8.35) अशी असतील. नागपूरची भर पडल्याने मागील दोन महिन्यांत एअर इंडिया एक्सप्रेसने एकूण पाच नवीन स्टेशन सुरू केले असून आता कंपनीच्या नेटवर्कमधील डेस्टिनेशन्सची संख्या 60 वर पोहोचली आहे.

याशिवाय लवकरच कंपनी नवी मुंबई विमानतळावरून आठवड्याला उड्डाणांना सुरुवात करणार असून, बंगळुरू, चेन्नई, दिल्ली, हैदराबाद आणि कोलकाता या प्रमुख केंद्रांशी नवी मुंबईची थेट जोडणी होणार आहे. महाराष्ट्रभरात एअर इंडिया एक्सप्रेसची उपस्थिती वाढवण्याच्या या निर्णयामुळे राज्यातील हवाई वाहतुकीला एकत्रितपणे वाढ मिळणार आहे