Pune News: प्रायोरिटी ठरवा! “घाटे” गुरुजींकडून नवनिर्वाचित नगरसेवकांची शाळा, पहिल्याच बैठकीत सुनावले खडेबोल

नगरसेवकांना संबोधित करताना भाजपचे शहराध्यक्ष धीरज घाटे म्हणाले, "काही प्रभागातील नगरसेवक आजच्या बैठकीला का आले नाहीत, आले नसलेल्यांना किंवा तुमच्या तुमच्या प्रभागातील उपस्थितीत न राहिलेल्या नगरसेवकांना तुम्ही फोन केले का? आज ६ वाजले तरी नगरसेवक बैठकीसाठी पोहचले नाहीत.

आज लग्नतिथी जरी असल्यामुळे काही लोकं आले नसावेत पण इथून पुढे आपली "प्रायोरिटी" (प्राधान्य) बदलावी लागेल. महापालिकेत होणाऱ्या महापौर, उपमहापौर निवडणुकीचे गांभीर्य लक्षात घ्या. उद्या मतदान करण्याची वेळ आली आणि तुम्ही वेळेवर पोहचला नाहीत तर? यामुळे या गोष्टींचे गांभीर्य घ्या.