Pune Drug Case : पुण्यात उडता पंजाब! एफसी रोडवरील नामांकित हॉटेलमध्ये अल्पवयीन तरुणांची ड्रग्ज पार्टी

याआधीच पुण्यात एक भीषण दुर्घटना घडली होती. अलीकडेच पुण्यात पुणे पोर्शे कार एका अल्पवयीन तरुणाने मद्यधुंद अवस्थेत पोर्शे कार चालवत दोन जणांना उडवलं होतं. यामध्ये या दोघांचा मृत्यू झाला होता. यानंतर अनेक कारवाई पुण्यात झाली होती. यातच आता ही धक्कादायक घटना समोर आली आहे.

मिळालेल्या माहितीनुसार, पुण्यातील एफसी रोड हा पार्टी डेस्टिनेशन म्हणून ओळखलं जातं. अनेक तरुण-तरुणी या या ठिकाणी शनिवार आणि रविवारी पार्टी करण्यासाठी, भेटण्यासाठी एकत्र येत असतात. यातच येथील एका नामांकित हॉटेलमधील हा प्रकार आहे. ज्याचा व्हिडिओ आता समोर आला आहे. पहाटे तीन वाजेपर्यंत ही पार्टी सुरु होती, असं या व्हायरल होतं असलेल्या व्हिडिओतच दिसत आहे. यात अनेक तरुण-तरुणी हे अल्पवयीन असल्याची शक्यात आहे.

सूत्रांनी दिलेल्या माहितीनुसार, पुणे पोलिसांकडून या हॉटेलची चौकशी सुरु करण्यात आली आहे. पुण्यातील एफसी रोडवर असलेल्या हॉटेल मधील सीसीटीव्ही तपासले जाणार आहेत. ज्या ठिकाणी पार्टी झाली त्या ठिकाणचे सर्व सीसीटीव्ही फुटेज तपासले जाणार आहेत.