Pune Crime News : 'पोलिसांची काम करण्याची पद्धत माहितीये ना कशीये?', ACP सुनील तांबेंचा गुन्हेगारांना सज्जड दम

काल पुण्यात तब्बल २६७ गुंडांची परेड आणि झडती घेण्यात आली. यासाठी पुणे पोलीस आयु्क्तालयातील मोकळ्या जागेवर या सगळ्यांना एका रांगेत उभे करण्यात आले होते. यावेळी तुम्ही तुमचे राहण्याचे पत्ते बदलता, भाई असल्याचे व्हिडिओ सोशल मीडियावर टाकता. मात्र यापुढे असं दिसलं तर तुम्हाला पण त्यात आरोपी केले जाईल, असा इशारा तांबे यांनी दिला.

पोलिसांचा गुन्हेगारांना इशारा

गुन्हेगारीस प्रत्यक्ष किंवा अप्रत्यक्ष पाठिंबा द्यायचा नाही. बेकायदेशीर कृत्यात सहभागी व्हायचे नाही, सोशल मीडियावर व्हिडिओ किंवा रील्स टाकायच्या नाहीत. राहण्याचा पत्ता किंवा मोबाईल बदलल्यास तो क्रमांक बदलल्याची माहिती पोलीस ठाण्यात किंवा गुन्हे शाखेच्या युनिटला हजर राहून कळवावी, अन्यथा गुन्हा दाखल करण्यात येईल, असा इशारा पोलिसांनी दिला आहे.