Pune : अल्पवयीन १६ वर्षीय प्रेयसीच दुसऱ्यासोबत सूत जुळलं; ‘त्या’ मित्राची पहिल्या प्रियकराने केली हत्या

Pimpri Chinchwad : बिहार राज्यातून येऊन देहूरोड मध्ये प्रेयसीच्या मित्राची हत्या केल्याची घटना नुकतीच घडली. या प्रकरणी देहूरोड पोलिसांनी अवघ्या काही तासातच आरोपीला अटक केली आहे. १९ वर्षीय आरोपी सनी सिंग राजपूत आणि १६ वर्षीय अल्पवयीन मुलीच बिहारमधील गावात असल्यापासूनचे प्रेमसंबंध होते. पण, काही कारणामुळे १६ वर्षीय प्रेयसीच कुटुंब देहूरोड येथे आलं. ती शाळेत शिक्षण घेत होती. सनी हा तिच्या संपर्कात होता. प्रेमसंबंध असल्याने त्यांचं नेहमीच फोनवर बोलणं व्हायचं.

अशातच १६ वर्षीय अल्पवयीन प्रेयसीचे हत्या झालेल्या दिलीप मौर्या सोबत सुत जुळले. दोघांचं एकमेकांवर प्रेम होते. याबाबत प्रेयसीच्या बोलण्यातून आरोपी प्रियकर सनी राजपूत ला कुणकुण लागली. प्रेयसीकडून त्याचा मोबाईल नंबर घेतला. त्यांचं फोनद्वारे अनेकदा बोलणं झालं. प्रेयसीला सोडण्यावरून सनी आणि दिलीप यांच्यात वाद ही झाले. दिलीप मौर्या ला धमकी देण्यात आली.

Kedarnath : केदारनाथमध्ये हेलिकॉप्टर कोसळून भीषण अपघात, गुप्तकाशीसाठी निघालेल्या सहा भाविकांसह पायलटचा मृत्यू

अखेर बुधवारी ११ जून रोजी बिहारमधून सनी राजपूत आला त्याने प्रेयसीचा मित्र दिलीप ला फोनद्वारे संपर्क केला. आपण भेटून हे सर्व प्रकरण मिटवू अस त्याला पटवून सांगितलं. दिलीप ने ही होकार दिला. सनी ने दिलीप ला रात्री दहा च्या सुमारास देहूरोड येथील मोकळ्या पटांगणात बोलावलं. दिलीप ने सोबत चुलत भाऊ अरुण मौर्या ला घेतलं. दोघे सनी ला भेटायला गेले.

काही मिनिट त्यांच्यात प्रेयसीवरून शाब्दिक वाद झाले. तेवढ्यात तयारीत आलेल्या सनी राजपूत ने थेट दिलीप मौर्या च्या गळ्यावर चाकूने सपासप वार केले. हे बघून चुलत भाऊ मध्ये पडला. सनी ने अरुण मौर्या च्या छातीत चाकू भोकसला. घनास्थळावरून आरोपी प्रियकर सनी तिथून पसार झाला. दोघे ही रक्ताच्या थारोळ्यात पडले होते. काही मिनिटांनी याबाबत पोलिसांना माहिती मिळताच दोघांना रुग्णालयात घेऊन जाण्यात आलं, पण दिलीप गंभीर जखमी होऊन मृत्यू झालेला होता. अरुणवर अद्याप ही रुग्णालयात उपचार सुरू आहेत.

पोलिसांनी आरोपीचा शोध घेण्यासाठी दोन पथक रवाना केली. आरोपी सनी हा गुजरात ला गेल्याची गुप्त माहिती पोलिसांना मिळाली. पोलिसांनी गुजरातमधील बडोदा गाठलं. तिथं असलेल्या ३० ते ४० कंपन्या पिंजून काढल्या. पैकी एका कंपनीत सनी हा लपून बसला होता. त्याला तिथून अटक करण्यात आली. ही कारवाई देहूरोड पोलिसांनी केली आहे.