Pune Crime : भिगवण अपहरण प्रकरणात मोठा ट्विस्ट! पीडित तरुणी आरोपींच्या संपर्कात, नेमकं काय प्रकरण? वाचा

मिळालेल्या माहितीनुसार, मंगळवारी सायंकाळी चारच्या सुमारास लग्नाची खरेदी करून पीडित तरुणी, तिचा भाऊ आणि आईसोबत दुचाकीवरून घराकडे जात होते. या दरम्यान भिगवण शासकीय विश्रामगृहाच्या बाजूला दोन तरुणांनी त्यांची दुचाकी अडवून तरुणी, तिची आई आणि भावाच्या डोळ्यांमध्ये मिरची पूड टाकून तरुणीचे जबरदस्तीने अपहरण केले. घडलेल्या घटनेबाबत तातडीने पोलिसांना कळवण्यात आले. अपहरणाच्या घटनेची माहिती मिळताच पोलिसांनी घटनास्थळी धाव घेतली आणि घटनेची गांभीर्यता लक्षात घेऊन तपास सुरु केला आहे.