Pune Accident News : रस्त्याचा अंदाज चुकल्याने भीषण अपघात! बोलेरो जीप १५० फूट दरीत कोसळली; सुदैवाने चालक बचावला

याबाबत सविस्तर माहिती अशी की, पुण्याहून भोरमार्गे महाडकडे बोलेरो जीप निघाली होती. यावेळी वरंध घाटात शिरगांव गावाच्या हद्दीत चालकाला वळणावर रस्त्याचा अंदाज न आल्याने जीप रस्त्याच्या कडेला १५० फूट खोल दरीत कोसळली.

या घटनेची माहिती मिळताच ग्रामस्थांनी घटनास्थळी धाव घेत चालकाला सुखरूप बाहेर काढले. सुदैवाने यात कोणतीही जीवितहानी झालेली नाही. जीप झाडी झुडपात अडकल्यानं सुदैवानं जीप चालक थोडक्यात बचावला. मात्र या अपघातात गाडीचे मोठे नुकसान झाले आहे.

दरम्यान, या मार्गावरील रस्त्याचं डांबरीकरण झाले आहे. त्यामुळे गाड्यांचा वेग वाढलाय मात्र रस्त्याच्या कडेला संरक्षण कठडे नसल्याने तर काही ठिकाणी साईडपट्टी अरुंद असल्याने, रस्त्याचा अंदाज येत नाहीत. त्यामुळे ह्या मार्गावर वारंवार अपघाताच्या घटना घडत आहेत.