Horticulture Production : देशात फलोत्पादन उत्पादनात घट ? जाणून घ्या, फळे, भाजीपाल्याच्या उत्पादनाचा अंदाज

Pune : देशातील २०२३-२४ या वर्षांत फलोत्पादन उत्पादन ३५३.१९ दशलक्ष टनांवर जाण्यांचा अंदाज आहे. गेल्या वर्षीच्या ३५५.४८ दशलक्ष टनांच्या तुलनेत २०२३-२४ मध्ये अंदाजे २२.९२ लाख टनांनी (०.६५ टक्के) घट होण्याची शक्यता आहे.

केंद्रीय कृषी आणि शेतकरी कल्याण मंत्रालयाने जाहीर केलेल्या २०२३-२४ च्या फलोत्पादनाच्या तिसऱ्या अगाऊ अंदाजानुसार, देशातील २०२३-२४ या वर्षांत फलोत्पादन उत्पादन ३५३.१९ दशलक्ष टनांवर जाण्यांचा अंदाज आहे. गेल्या वर्षीच्या ३५५.४८ दशलक्ष टनांच्या तुलनेत २०२३-२४ मध्ये अंदाजे २२.९२ लाख टनांनी (०.६५ टक्के) घट होण्याची शक्यता आहे. असे असले तरीही फळे, मसाले, फुले आणि औषधी वनस्पती आदींच्या लागवडीत वाढ झाली आहे.

देशात २०२३-२४ मध्ये एकूण फळ उत्पादनांत २.२९ टक्के वाढ अपेक्षित आहे. आंबा, केळी, लिंबू, द्राक्ष, सीताफळाच्या उत्पादनात वाढ होण्याचा, तर सफरचंद, संत्रा, मोसंबी, पेरू, लिची, डाळिंब, अननस उत्पादनात घट होण्याचा अंदाज आहे. एकत्रितरीत्या एकूण फळ उत्पादन ११२.७३ दशलक्ष टन होण्याचा अंदाज आहे.

Pune : उद्योगनगरीला गुन्हेगारीचा विळखा

भाजीपाला उत्पादन २०५.८० दशलक्ष टनांवर जाण्याचा अंदाज आहे. टोमॅटो, कोबी, फ्लॉवर, साबुदाणा (कंद) भोपळा, डांगर, काकडी, कारले, पडवळ आणि भेंडी या पिकांमध्ये लक्षणीय वाढ होण्याचा अंदाज आहे. बटाटा, कांदा, वांगी, मोठे रताळे आणि शिमला मिरची या प्रमुख पिकांत घट होण्याची शक्यता आहे. एकूण भाजीपाला उत्पादनात मागील वर्षा इतकेच राहण्याचा अंदाज आहे. मध, फुले, मसाले, सुगंधी आणि औषधी वनस्पतींच्या उत्पादनात वाढीचा कल आहे.