Pune : विवाहाच्या आमिषाने शाळकरी मुलीला पळवून नेल्याप्रकरणी तरुणाला सक्तमजुरी

विनोद उर्फ विनायक सुरेश चव्हाण (वय २०, रा. जनता वसाहत, जनवाडी, गोखलेनगर) असे शिक्षा सुनावलेल्याचे नाव आहे. २२ ऑक्टोबर २०११ रोजी सकाळी अल्पवयीन मुलगी शाळेत कार्यक्रम आहे, असे असे सांगून घराबाहेर पडली. रात्री उशीरापर्यंत ती घरी परतली नाही. पालकांनी शाळेत जाऊन चौकशी केली.

तेव्हा शाळेत कार्यक्रम आयोजित करण्यात आला नसल्याची माहिती मिळाली. त्यानंतर पालकांच्या मोबाइल क्रमांकावर मुलीने संपर्क साधला. ‘मी नाशिकला आहे. चार दिवसांनी परत येईल’, असे तिने सांगितले. पालकांनी पुन्हा मोबाइल क्रमांकावर संपर्क साधला. तेव्हा मोबाइल बंद असल्याचे उघडकीस आले. त्यानंतर पालकांनी मुलगी बेपत्ता झाल्याची तक्रार दिली.
पोलिसांनी चव्हाणला अटक केली. चौकशीत चव्हाणने मुलीला विवाहाचे आमिष दाखवून पळवून नेल्याचे उघड झाले. पोेलिसांनी चव्हाणविरुद्ध आरोपपत्र दाखल केले. सरकारी वकील संजय पवार यांनी चार साक्षीदारांची साक्ष नोंदविली. साक्ष, तसेच पुरावे ग्राह्य धरून न्यायालयाने चव्हाणला शिक्षा सुनावली.