Pooja Khedkar Case : पूजा खेडकरने ठोठावला हायकोर्टाचा दरवाजा, IAS पद परत मिळवण्यासाठी देणार कायदेशीर लढा

Pooja Khedkar Case : वादग्रस्त प्रशिक्षणार्थी आयएएस अधिकारी पूजा खेडकर प्रकरणात  मोठी अपडेट समोर आली आहे. पूजा खेडकरने दिल्ली हायकोर्टात  धाव घेतली आहे. यूपीएससीने  आयएएस पद रद्द केल्याप्रकरणी पूजा खेडकरने हायकोर्टात याचिका दाखल केली. या याचिकेवर लवकरात लवकर सुनावणी घेण्यात यावी अशी मागणी पूजा खेडकरने केली आहे.

मिळालेल्या माहितीनुसार, पूजा खेडकरने आधी अटकपूर्व जामीन मिळावा यासाठी दिल्लीच्या पटियाला हाऊस कोर्टात धाव घेतली होती. पण कोर्टाने तिचा अटकपूर्व जामीन अर्ज फेटाळून लावला. त्यामुळे पूजा खेडकरला कोणत्याही क्षणी अटक होण्याची शक्यता होती. अशामध्ये अटकेच्या भीतीने पूजा खेडकर पळून गेली असल्याची चर्चा सुरू आहे. पूजा खेडकरचा मोबाईल देखील नॉटरिचेबल लागत आहे. त्यामुळे पूजा खेडकर सध्या आहे कुठे? असा प्रश्न उपस्थित केला जात आहे.

Uttarakhand Cloudburst : उत्तराखंडमध्ये ढगफूटी! मृतांचा आकडा १७ वर, ९ हजार भाविकांना रेस्क्यू करण्यात यश

अशामध्ये पूजा खडेकरने दिल्ली हायकोर्टात धाव घेत याचिका दाखल केली आहे. पूजा खेडकर आता आयएएस पद मिळवण्यासाठी कायदेशीर लढा देणार आहे. यासाठी तिने याचिका दाखल करत लवकर सुनावणी घ्यावी अशी मागणी केली आहे. यासाठी आज सकाळी कोर्टात प्रकरण मेंशन केलं जाण्याची शक्यता आहे. पूजा खेडकरने याचिकेमध्ये DOPT ला पक्षकार बनवले आहे. रविवारी रात्री पूजा खेडकरने ऑनलाइन याचिका दाखल केली आहे. आता कोर्ट काय निर्णय देते हे पाहणे महत्वाचे ठरणार आहे.

दरम्यान, पूजा खेडकरची आई मनोरमा खेडकरला कोर्टाने जामीन मंजूर केला. त्यानंतर ३ जुलै रोजी येरवडा कारागृहातून मनोरमा खेडकरची सुटका झाली. मनोरमा खेडकर यांना मुळशीतील शेतकऱ्यांना बंदुकीचा धाक दाखवत धमकावले होते. याप्रकरणी त्यांना पुणे पोलिसांनी महाडमधून अटक केली होती. अटकेनंतर मनोरमा खेडकरची रवानगी येरवडा कारागृहात करण्यात आली होती. त्यांना आता जामीन मिळाला असून त्या जेलमधून बाहेर आल्या आहेत.