PMC : चार वर्षांनंतर महापालिकेची निवडणूक रणधुमाळी; २३ डिसेंबरपासून उमेदवारी अर्ज भरण्यास सुरुवात

Pune : पुणे महापालिकेच्या निवडणुकीसाठी राजकीय पक्षांचे जागा वाटप, उमेदवार निश्चित करणे यावर खलबते सुरु असताना उद्यापासून (ता. २३) अर्ज भरण्यास सुरुवात होणार आहे. त्यामुळे आता खऱ्या अर्थाने निवडणुकीच्या प्रक्रियेला सुरुवात होणार आहे. ही मुदत ३० डिसेंबरपर्यंत असणार आहे. महापालिकेने १५ क्षेत्रीय कार्यालयांमध्ये उमेदवारी अर्ज भरण्यासाठी सुविधा उपलब्ध करून दिली आहे.

पुणे महापालिकेची निवडणूक तब्बल पावणे चार वर्षानंतर होत आहे. त्यामुळे सर्वच राजकीय पक्षांनी या निवडणुकीसाठी कंबर कसली आहे. इच्छुक उमेदवारांनी तर गेल्या तीन-चार महिन्यापासून जोरदार प्रचार सुरु केला आहे. विविध प्रकारचे कार्यक्रम आयोजित करून मतदारांमध्ये नाव पोचविण्याची स्पर्धा अजूनही सुरु आहे.

Pune : पुण्यात राजकीय भूकंप! शरद पवारांना मोठा धक्का, प्रशांत जगताप राष्ट्रवादीला ठोकणार रामराम

भाजप-शिवसेना महायुतीमधील जागा वाटप अद्याप निश्चित झालेले नाही तर. दोन्ही राष्ट्रवादी आणि महाविकास आघाडी यांच्यातीलही चर्चा अजूनही सुरु आहेत. पुढील दोन-तीन दिवसात सर्व चित्र स्पष्ट होणार आहे. तर वंचित बहुजन आघाडी, आम आदमी पक्ष यांच्यासह अन्य पक्षांकडूनही तयारी सुरु आहे. या निवडणुकीसाठी उद्यापासून (ता.२३) उमेदवारी अर्ज स्वीकारले जाणार आहेत. यासाठी १५ क्षेत्रीय कार्यालयांमध्ये १ ते ४१ प्रभागांचे वाटप केले आहे. काही क्षेत्रीय कार्यालयात दोन प्रभागांचे तर काही क्षेत्रीय कार्यालयात तीन प्रभागांच्या उमेदवारांचे अर्ज स्वीकारले जातील.

असे आहे वेळापत्रक

नामनिर्देशनपत्र देण्याचा कालावधी - २३ डिसेंबर ते २९ डिसेंबर - सकाळी ११ ते दुपारी ३ - ३० डिसेंबर -सकाळी ११ ते दुपारी २

नामनिर्देशनपत्र स्वीकारण्याचा कालावधी - २३ डिसेंबर ते ३० डिसेंबर सकाळी ११ ते दुपारी ३

यादिवशी नामनिर्देशन पत्र देणे व स्वीकारले जाणार नाही २५ डिसेंबर आणि २८ डिसेंबर

या ठिकाणी स्वीकारले जातील उमेदवारी अर्ज

क्षेत्रीय कार्यालय आणि प्रभाग क्रमांक

येरवडा-कळस-धानोरीः १,२,६

नगररस्ता-वडगावशेरी ३,४,५

शिवाजीनगर-घोलेरस्ताः ७,१२

औंध-बाणेर ८,९