Navi Mumbai Accident : दारुड्या डंपर चालकाचा भररस्त्यात राडा, खासगी वाहनांसह पोलिसांच्या कारला दिली धडक

Navi Mumbai News: दारुच्या नशेत डंपर चालकाने खासगी वाहनांसह पोलिसांच्या वाहनाला धडक दिल्याची घटना समोर आली आहे. नवी मुंबईच्या उलवेमध्ये ही घटना घडली आहे. याप्रकरणी पोलिसांनी डंपर चालकाविरोधात गुन्हा दाखल करत तपास करत आहेत.

मिळालेल्या माहितीनुसार,नवी मुंबईतील उलवे येथे मध्यरात्रीच्या सुमारास ही घटना घडली. डंपर चालकाचे आपल्या भावासोबत जारदार भांडण झाले. या भांडणामुळे त्रास होत असल्यामुळे सोसायटीतील रहिवासींनी पोलिसांना बोलावले. त्यामुळे संतप्त झालेल्या डंपर चालकाने सुरुवातीला सोसायटीच्या गेटवर डंपरने धडक दिली. त्यानंतर त्याने रस्त्याच्या शेजारी उभ्या असलेल्या गाड्यांना धडक दिली.

यावेळी डंपर चालकाने पोलिसांच्या गाडीला देखील धडक दिली. त्यानंतर स्वत: पोलीस ठाण्यात जात असताना या डंपर चालकाने पुन्हा वाहनांना धडक दिली. या डंपर चालकाला कंट्रोल करण्यासाठी पोलिसांनी दोन राऊंड फायरिंग केली. डंपर चालकाच्या या राड्यामुळे मोठा गोंधळ उडाला होता. त्यानंतर न्हावा शेवा पोलीसांनी डंपर चालकाविरोधात गुन्हा दाखल केला. याप्रकरणाचा तपास पोलिसांकडून सुरु आहे.