Nashik News : कबूतर शर्यतीवरून वाद, नाशिकमध्ये १७ वर्षीय मुलाची हत्या; तीन संशयित ताब्यात

आशिष दशरथ रणमाळे (वय १७) असं हत्या झालेल्या तरुणाचे नाव आहे. याप्रकरणी पोलिसांनी काही तासांतच आरोपींच्या मुसक्या आवळल्या आहेत. मिळालेल्या माहितीनुसार, कर्णनगर पेठ रोड येथे राहणारा आशिष रणमाळे हा गुरुवारी रात्री त्याच्या घराबाहेर उभा होता.

त्याचवेळी चार ते पाच संशयितांनी अचानक त्याच्यावर धारदार शस्त्रांनी हल्ला केला. या हल्ल्यात आशिष गंभीर जखमी झाला. आरडाओरड झाल्यानंतर संशयित हल्लेखोर फरार झाले. आसपासच्या नागरिकांनी उपचारासाठी आशिषला रुग्णालयात दाखल केले. मात्र, डॉक्टरांनी त्याला मृत घोषित केलं.