Narendra Patil : मराठी माणसांवर हल्ले करणाऱ्या काँग्रेसला उद्धव ठाकरेंनी जवळ केले, हे दुर्भाग्य : नरेंद्र पाटील

ज्या मराठी माणसांवर काँग्रेसने सातत्याने हल्ले केले. त्याच मराठी माणसांच्या जीवावर शिवसेना उभी राहिली. बाळासाहेब ठाकरे म्हणाले होते काँग्रेस सोबत गेलो तर माझी दुकानदारी बंद करेल. बाळासाहेब ठाकरे यांचे चिरंजीव उद्धव ठाकरे हे काँग्रेसच्या मॅडमला भेटतात आणि युती करतात हे दूरभाग्य असल्याचे पाटील यांनी नमूद केले.

सामान्य रिक्षा चालक असणाऱ्या एकनाथ शिंदे यांना गर्वाने मुख्यमंत्री केल्याचं नरेंद्र मोदी हे सांगतात. त्याच आनंद बाळासाहेब ठाकरे यांनाही झाला असता असेही त्यांनी म्हटलं.

आमचा नेता किती मोठा आहे हे महाराष्ट्र पाहताेय : नरेंद्र पाटील

दरम्यान नरेंद्र मोदींचे कौतुक करताना कधी उद्धव ठाकरेंना ऐकले आहे का? उद्धव ठाकरे यांनी राजकारणात नरेंद्र मोदी यांच्या कार्यपद्धतीवर टीका करावी. परंतु दुर्देवाने उद्धव ठाकरे आणि संजय राऊत हे व्यक्तिगत टीका करताहेत. त्यामुळे आमचा नेता किती मोठा आहे हे महाराष्ट्राला पाहायला मिळते असे नरेंद्र पाटील यांनी नमूद केले.