Namo Express : 'नमो एक्सप्रेस'ला फडणवीसांनी दाखवला भगवा झेंडा, गणेशोत्सवाला कोकणात जाण्यासाठी भाजपकडून व्यवस्था

Namo Express : गणेशोत्सवासाठी कोकणात जाण्याची लगबग सध्या चाकरमान्यांची सुरु आहे मुंबई भाजपच्या वतीने चाकरमान्यांना कोकणात जाण्यासाठी तीन दिवस सहा विशेष 'नमो एक्सप्रेस'ची व्यवस्था केली आहे. रात्री दादर येथून कोकणात रवाना झालेल्या या ट्रेनला उपमुखमंत्री देवेंद्र फडणवीस यांनी भगवा झेंडा दाखवला. यावेळी पालकमंत्री मंगलप्रभात लोढा, आमदार आशिष शेलार उपस्थित होते. 

Lalbaugcha Raja 2023 : लालबागच्या राजासाठी शिवराज्याभिषेक सोहळ्याचा देखावा , नितीन देसाईंची अखेरची कलाकृती

कोकणात जाणाऱ्या सर्व नागरिकांसाठी सहा ट्रेन आणि 338 बस

गणेशोत्सवानिमीत्त कोकणात जाणाऱ्या सर्व नागरिकांसाठी सहा ट्रेन आणि 338 बस आम्ही सोडल्या आहेत. आशिष शेलार आणि लोढा यांनी पुढाकार घेऊन व्यवस्था केली आहे. लोकांमधे उत्साह असल्याचे फडणवीस म्हणाले. गणेशोत्सवासाठी कोकणात जाण्यासाठी  भाजप दरवर्षीच जास्तीची व्यवस्था करत असते. भाजपला आशीर्वाद मिळत आहे, याचबरोबर आम्ही स्पर्धा भरवत असतो. यात तीन हजार एंट्री आल्या आहेत, त्याला चांगला प्रतिसाद मिळत असल्याचे फडणवीस म्हणाले. टोल माफी कोकणवासीयांसाठी केली आहे. गोवा हाय वे वर रवींद्र चव्हाण गेले पंचवीस दिवस त्या ठिकाणी आहेत. देशभरातून मशीन आणल्या आहेत. सर्व कंत्राटदारांची मदत करुन काम सुरु केल्याचे फडणवीस म्हणाले.