Mumbai News : पत्नीच्या त्रासाला कंटाळून पोलीस कॉन्स्टेबलने संपवलं जीवन; मुंबईतील धक्कादायक घटना

Mumbai News : मुंबईमध्ये पत्नीच्या त्रासाला कंटाळून पोलीस कॉन्स्टेबलने आत्महत्या केल्याची घटना घडली आहे. ही घटना १४ जूनच्या रात्री ही समोर आली आहे. विजय साळुंखे असं या पोलीस कॉन्स्टेबलचं नाव आहे. त्याने सायनमधील प्रतीक्षा नगर येथील राहत्या घरात गळफास घेवून जीवन संपवल्याची घटना घडली आहे. पत्नीच्या त्रासाला कंटाळून त्यांनी आत्महत्या केल्याचं प्राथमिक तपासात समोर आलं आहे.

याबाबत सविस्तर वृत्त असं की, विजय साळुंखे सायनच्या प्रतीक्षा नगर येथे राहत  होते. ते शाहू नगर पोलीस ठाण्यात कार्यरत होते. ३० मे पासून पोलीस कॉन्स्टेबल रजेवर होते. मृत विजय साळुंखे यांच्या खिशामध्ये एक चिठ्ठी सापडली आहे. मुंबईतील वडाळा टी टी पोलिसांनी विजय साळुंखे यांच्या अपमृत्यूची नोंद केली आहे. त्यांनी याप्रकरणी तपास सुरू केला आहे.