Mumbai Crime : मुंबईतील धक्कादायक घटना! जुहू चौपाटीवर गोणीत आढळला मृतदेह

संजय गडदे, मुंबई

एककीकडे सर्वत्र व्हॅलेंटाईन वीक सुरु असून तरुण मंडळी हे दिवस आनंदात साजरा करत आहेत. एकत्र वेळ घालवण्यासाठी गार्डन, हॉटेल, तसेच मुंबईच्या समुद्र किनारी अनेक जोडपी पाहायला मिळत आहेत. अशातच मुंबईतून धक्कादायक बातमी समोर आली आहे. गजबजलेल्या जुहू कोळीवाडा समुद्रकिनारी जेटीजवळ गोणीत भरलेला मृतदेह आढळला आहे. या घटनेने परिसरात खळबळ उडाली असून नागरिकांमध्ये भीतीचे वातावरण निर्माण झाले आहे. पोलीस या घटनेचा सविस्तर तपास करत आहेत.