Mumbai : माहुलमधील घरे घेता का घरे…पालिकेच्या कर्मचाऱ्यांचा अल्प प्रतिसाद, नऊ हजार घरांसाठी केवळ १५० अर्ज

Mumbai : मुंबई महापालिकेने प्रकल्पबाधितांसाठी बांधलेली माहुल येथील घरे कर्मचाऱ्याना स्वस्तात देण्याचे ठरवलेले आहे. मात्र कर्मचाऱ्यांकडून या घरांना अत्यल्प प्रतिसाद मिळत आहे. माहुल येथील १३ हजार घरांपैकी ९,०९८ घरे मुंबई महापालिकेने विक्रीला काढली आहेत. त्याकरीता कर्मचाऱ्यांना कर्जही उपलब्ध करून दिले जाणार आहे. मात्र या घरांसाठी अद्याप केवळ दीडशे कामगारांनी अर्ज केले आहेत. पालिका प्रशासनाने या घरांच्या योजनेची सर्वत्र जाहिरातही सुरू केली आहे. मात्र कर्मचारी पुढे येत नसल्याचे चित्र आहे.

मुंबई महापालिकेने पूर्व उपनगरातील माहुल येथे प्रकल्पबाधितांसाठी घरे बांधली आहेत. यापैकी काही घरांमध्ये प्रकल्पबाधित राहतात. तर बहुतांशी घरे रिकामी आहेत. या घरांच्या देखभालीसाठी महापालिकेला मोठा निधी खर्च करावा लागत आहे. त्यामुळे प्रशासनाने ही घरे महापालिकेच्या तृतीय आणि चतुर्थ श्रेणी कामगारांना स्वस्तात विकत देण्याचे ठरवले आहे.

या योजनेअंतर्गत एक घर १२ लाख ६० हजार रुपयांत, तर दोन घरे २५ लाख २० हजार रुपयांत खरेदी करू शकणार आहेत. त्यासाठी म्युनिसिपल बँकेकडून ८.५० टक्के व्याज दराने ९० टक्के कर्जही दिले जाणार आहे. १७ मार्चपासून या घरांसाठी अर्ज स्वीकारण्यास सुरुवात झाली आहे. १५ एप्रिलपर्यंत कामगारांना अर्ज करता येणार आहे. मात्र एप्रिलच्या पहिल्या आठवड्यापर्यंत केवळ दीडशे अर्ज आल्याची माहिती पालिका अधिकाऱ्यांनी दिली.

Pune : सुरक्षेसाठी बँक अधिकाऱ्यांचे मुख्यमंत्र्यांना साकडे, मराठी भाषेच्या मुद्द्यावरून मनसेकडून मारहाण झाल्यानंतर संघटनेचे पत्र

मुंबई महापालिकेत हजारो स्वच्छता कर्मचारी कामाला असून ते मुंबई, ठाणे, विरार, वसई तसेच मुंबईपासून दूरवरच्या परिसरातून पहाटेच्या पाळीत काम करण्यासाठी येतात. या कर्मचाऱ्यांना मुंबईतच घरे मिळावी यासाठी महापालिकेने ही घरे तृतीय व चतुर्थ श्रेणी कामगारांकरीता विकायला काढली आहे. मात्र माहुलच्या घरांना कामगारांकडून अत्यल्प प्रतिसाद मिळत आहे. त्यामुळे पालिकेने आता या घरांच्या विक्रीसंदर्भात विविध ठिकाणी जाहिरात झळकवली आहे. घनकचरा विभागाच्या चौक्या, पालिकेची कार्यालये येथे या योजनेची जाहिरात लावण्यात आली आहे.

वार्षित सात कोटी देखभाल खर्च

सफाई कर्मचाऱ्यांसाठी माहुलमध्ये उभारण्यात आलेल्या घरांच्या देखभालीसाठी महापालिकेला वर्षाकाठी ७ कोटी रुपये खर्च येतो. ही घरे रिकामी राहिली तर त्याचा तोटा पालिकेलाच होणार आहे. त्यामुळे प्रशासन मुंबई महापालिकेतील कामगार संघटनांबरोबर चर्चा करून यातून मार्ग काढणार आहे.

त्याचबरोबर निवृत्त सफाई कर्मचारी ही घरे घेण्यास इच्छुक असतील तर त्यांनाही ती देण्याबद्दल विचार केला जाणार असल्याचे पालिकेच्या एका अधिकाऱ्यांनी सांगितले. १) एवर स्माईल पी. ए. पी. संकुल, माहुल आंबा पाडा, आणिक गाव, येथील सदनिका खरेदीतत्वावर उपलब्ध करून देण्यात आल्या आहेत. २) ही योजना केवळ पालिकेच्या तृतीय व चतुर्थ कर्मचाऱ्यांसाठी आहे. ३) अर्ज सादर करण्याची अंतिम तारीख १५ एप्रिल आहे. ४) २० एप्रिल रोजी आलेल्या अर्जदारांमधून सोडत काढण्यात येणार आहे.



मनोरंजन

विडियो गॅलेरी

Leave a Reply