Mumbai : कल्याणातील वाहतूक कोंडीवर तोडगा; कल्याणात सकाळी 6 ते रात्री 12 पर्यंत अवजड वाहनांना प्रवेशबंदी

Mumbai :सन उत्सवांच्या पार्श्वभूमीवर शहरात मोठ्या प्रमाणात वाहतूक कोंडी होताना दिसत आहे. कल्याण मध्ये गेल्या दोन दिवसांपासून मुख्य चौकांमध्ये कोंडीचे प्रमाण वाढले असून अखेर यावर तोडगा काढण्यात आला आहे. कल्याण शहरात सकाळी 6 ते रात्री 12 वाजेपर्यंत अवजड वाहनांना प्रवेश बंदी करण्याचा निर्णय घेण्यात आला आहे.

सण उत्सवांच्या पार्श्वभूमीवर नागरिक खरेदीसाठी, देवीच्या दर्शनासाठी तसेच रात्रीच्या वेळी गरबा खेळण्यासाठी मोठ्या प्रमाणात बाहेर पडत आहेत. यामुळे कल्याण शहरात गेल्या दोन दिवसांपासून अभूतपूर्व अशी वाहतूक कोंडी होत आहे.कल्याण पश्चिमेतील दुर्गाडी चौकापासून सुरू होणाऱ्या या वाहतूक कोंडीची झळ थेट पत्रीपुलांपर्यंत बसत आहे. मुख्य रस्त्यांसोबतच शहरातील अंतर्गत जोड रस्ते आणि छोट्या छोट्या गल्ल्याही या वाहतूक कोंडीतून सुटल्या नाहीत. कल्याण पश्चिमेत होणारी

Nagpur : रेशनच्या तांदळात प्लास्टिकची अफवा; लाभार्थ्यांमध्ये संभ्रम फोर्टिफाइड तांदळासंदर्भात जनजागृतीची गरज

 

वाहतूक कोंडी लक्षात घेता आमदार विश्वनाथ भोईर यांनी मंगळवारी पालिका मुख्यालयात तातडीची बैठक घेतली. या बैठकीला केडीएमसी आयुक्त डॉ. भाऊसाहेब दांगडे, कल्याणचे एसीपी कल्याणजी घेटे , ट्रॅफिकचे एसीपी मंदार धर्माधिकारी यांच्यासह विविध शासकीय अधिकारी उपस्थित होते.

त्यामध्ये कल्याण शहरात होणाऱ्या वाहतूक कोंडीला गर्दीच्या वेळेत सुरू असणारी अवजड वाहनांची वाहतूक कारणीभूत असल्याचे आमदार भोईर यांनी यावेळी निदर्शनास आणले. तसेच शिळफाटा, पडघा, भिवंडी आणि मुरबाड दिशेने येणाऱ्या अवजड वाहनांना कल्याण शहरात प्रवेशबंदी करण्याची सूचनाही त्यांनी केली.

त्यानुसार आता कल्याण शहरात सकाळी 6 ते रात्री 12 वाजेपर्यंत अवजड वाहनांना बंदी घालण्याचा महत्त्वाचा निर्णय घेण्यात आल्याची माहिती आमदार विश्वनाथ भोईर यांनी प्रसिध्दी माध्यमांशी बोलताना दिली. त्यासोबतच पत्रिपुल पासून ते दुर्गाडी चौकापर्यंत असणाऱ्या क्रॉसिंगवर वाहतूक पोलिसांची संख्या वाढवणे, दुर्गाडी देवीचे दर्शन घेण्यासाठी येणाऱ्या भक्तांसाठी लालचौकी येथील शारदा मंदिर शाळेच्या आणि वासुदेव बळवंत फडके मैदानात पार्किंगची व्यवस्था उपलब्ध करून देणे, या दोन्ही ठिकाणांहून दुर्गाडीसाठी केडीएमटीच्या मोफत बसेस सोडणे आदी निर्णयही या बैठकीत घेण्यात आल्याचे आमदार भोईर यांनी सांगितले.



मनोरंजन

विडियो गॅलेरी

Leave a Reply