Manoj Jarange : साल्हेर किल्ल्याजवळ आमच्या गाड्यांवर टॅम्पो घालण्यात आला; जरांगेंनी व्यक्त केली घातपाताची शंका

पोलीसांनी त्या ड्रायव्हरला पकडलं. तेव्हा त्याने कोणाचं तरी नाव सांगितलं की त्याला पिकअप घालायला सांगितल म्हणून.... मी हे खरं की खोटं तपासायला सांगितलं.... त्याच्याविरोधात आमची काही तक्रार नाहीये... पण याची चौकशी करा. मला मुद्दाम गाड्यांवर पिकअप घालायला सांगितलं असं त्या ड्रायव्हरने कोणाचं नाव घेत सांगितलं, त्याची चौकशी करा, असेही मनोज जरांगे यावेळी म्हणाले.

हा घातपाताचा प्रकार असेल असे वाटतं का? असे विचारलं असता जरांगे म्हणाले की, असू शकतो, अन्यथा किल्ल्यावर ते आलं कुठून? आम्हाला जाताना काहीच दिसलं नाही, मग ते तिथं आधीच ठेवलं होतं. उतार असल्याने गिअर टाकून सोडून दिलं, हे आम्ही सांगत बसत नाही. हिंगोलीच्या सभेत काय झालं हे आम्ही सांगत बसलो नाही, असेही मनोज जरांगे यावेळी म्हणाले.

तुम्हाला देखील धोका आहे का? या प्रश्नावर जरांगे म्हणाले की मला काही धोका नाही, मी मरायला भीत नाही, मी क्षत्रीय मराठ्याचा आहे मरायला भीत नसतो.