Lok Sabha Election 2024 : लोकसभा निवडणुकांच्या तोंडावर भाजपला मोठा धक्का; हरियाणातील या बड्या नेत्याचा काँग्रेसमध्ये प्रवेश

शराजकीय कारणामुळे भाजपच्या प्राथमिक सदस्यत्वाचा राजीनामा द्यावा लागला आहे. पक्ष आणि राष्ट्रीय अध्यक्षांचे आभार मानतो, असं बृजेंद्र सिंह यांनी म्हटलं आहे. ब्रिजेंद्र सिंह हे माजी केंद्रीय मंत्री बिरेंद्र सिंह यांचे पुत्र असून त्यांच्या कुटुंबाचा काँग्रेसशीदीर्घकाळ संबंध आहे. कुलदीप बिश्नोई यांनी भाजपमध्ये प्रवेश केल्यानंतर बृजेंद्र सिंह यांचे तिकीट कापण्याची शक्यता होती. याशिवाय जेजेपी युतीमुळे चौधरी बिरेंद्र सिंह यांचे कुटुंबीयही भाजपवर नाराज होते. शेतकरी आंदोलन, अग्नीवीर आणि महिला कुस्तीपटूंच्या मुद्द्यावरून बृजेंद्र सिंह यांनी नाराजी व्यक्त केली होती.

2019 च्या लोकसभा निवडणुकीत त्यांनी दुष्यंत चौटाला आणि भव्य बिश्नोई यांचा पराभव करून हिसारमधून विजय मिळवला होता. प्रसिद्ध शेतकरी नेते छोटू राम यांचे ते पणतू आहेत. त्यांचे वडील बिरेंद्र यांनी केंद्रीय मंत्री म्हणून काम केले आणि आई प्रेमलता सिंह यांनी उचाना विधानसभा मतदारसंघाचं प्रतिनिधित्व केलं.