Koyna Express Accident :

Koyna Express Accident : कोल्हापुरातून धक्कादायक घटना समोर आली आहे. कोल्हापुरात कोयना एक्स्प्रेसखाली सापडून तीन जणांचा मृत्यू झाला आहे. शुक्रवारी रात्री उशिरा ही घटना घडली आहे. या दुर्घटनेत दोन महिला आणि लहान मुलीचा जागीच मृत्यू झाला आहे.

कोल्हापुरात शुक्रवारी रात्री भीषण दुर्घटना घडली आहे. कोल्हापुरात कोयना एक्स्प्रेसने तिघांना चिरडलं आहे. मुंबईतून कोल्हापूरात येणाऱ्या कोयना एक्स्प्रेस रेल्वेने तीन महिलांना चिरडल्याने तिघींचा जागीच मृत्यू झाला आहे. या भीषण दुर्घटनेत दोन महिला आणि लहान मुलीचा जागीच मृत्यू झाला आहे.

Mumbai News : टरस्कॉच आईस्क्रिममध्ये मानवी बोट सापडलं, उत्तर प्रदेश कनेक्शन समोर; पोलीस तपासात धक्कादायक खुलासा

रुळावरून चालत येत असताना ही दुर्देवी घटना घडल्याची शक्यता वर्तवण्यात आली आहे. या अपघातात रात्री उशिरापर्यंत मृतांची ओळख पटलेली नाही. ही दुर्घटना अपघात की आत्महत्या याबाबत शाहूपुरी पोलिसांनी अधिक तपास सुरु केला आहे.

कोल्हापुरातील दुर्देवी घटनेमुळे परिसरात खळबळ उडाली आहे. शुक्रवारी रात्रीच्या सुमारास या दोन महिला आणि लहान मुलगी कुठे चालल्या होत्या, याचा तपास पोलिसांनी सुरु केलाय. या महिलांची ओळख पटवण्यासाठी पोलिसांनी तपास सुरु केला आहे.