Khadakwasla Dam Water : पुणेकरांसाठी चिंताजनक बातमी, खडकवासला प्रकल्पात केवळ इतकाच पाणीसाठा शिल्लक

येत्या काही दिवसांत चांगला पाऊस झाला नाही तर पुणे शहराला भीषण पाणीटंचाईचा सामना करावा लागू शकतो. त्यामुळे पुणेकरांना पाण्याचा काटकसरीने वापर करावा लागणार आहे. पुणे शहराला खडकवासला, टेमघर, पानशेत आणि वरसगाव या धरणांमधून पाणीपुरवठा केला जातो.

गेल्यावर्षी आजच्या दिवशी खडकवासला प्रकल्पात ५.४८ टीएमसी पाणीसाठा शिल्लक राहिला होता. मात्र, यावर्षी हा पाणीसाठा झपाट्याने कमी झाला आहे. त्यामुळे पुणे शहरात पाणीकपात लागू करण्यात आली आहे. अधून मधून जलदुस्तीच्या कामांसाठी शहरातील काही भागातील पाणीपुरवठा बंदही ठेवण्यात येत आहे.