Kasba By-Election : अर्ज मागे घे आणि पुणे सोडून जा ; अभिजीत बिचकुलेंना जीवे मारण्याची धमकी

पुणे : बिग बॉस फिल्म अभिजीत बीचुकले यांना जीवे मारण्याची धमकी देण्यात आली आहे. या धमकीनंतर बीचुकले यांच्याकडून पोलीस संरक्षणाची मागणी केली आहे.कसबा मतदारसंघ पोटनिवडणुकीचा अर्ज मागे घेण्यासाठी बिचुकले यांना फोनवरून जीवे मारण्याची धमकी देण्यात आली. अर्ज मागे घे आणि पुणे सोडून जा आशा धमक्या येत असल्याचा बिचुकले यांचा आरोप आहे. यानंतर अभिजीत बीचुकले यांनी थेट निवडणूक अधिकाऱ्यांना पत्र लिहीलं आहे.

मागील काही दिवसांपासून पुण्यातील कसबा पेठ विधानसभा पोटनिवडणुकीची धामधूम सुरू आहे. यादरम्यान काल पत्नीचा उमेदवारी अर्ज भरायला आलेला बिग बॉस फेम अभिजीत बिचुकले हे चर्चेचा विषय ठरले. कसब्यातले प्रमुख प्रश्न कोणते आहेत, असा प्रश्न विचारला असता बिचुकले पत्रकारांवर संतापल्याचे पाहायला मिळाले.

कसबा निवडणुकीसाठी आपली पत्नी अलंकृता यांचा उमेदवारी अर्ज भरण्यासाठी अभिजीत बिचुकले यांना माध्यमांनी कसब्यातले प्रमुख प्रश्न कोणते याविषयी विचारला. त्यावर त्याने उत्तर देताना बिचकुले संतापले, जे निवडून गेलेले , त्यांनी काय केलं, त्यांना विचारा. मला प्रश्न माहित नाहीत, जनतेला माहित आहेत. जनतेसाठी मी सर्वस्व आहे. तुम्ही सांगा मी सोडवणार.असं उत्तर त्यांनी दिलं.

या मतदारसंघातून निवडणूक लढवणार तर तिथला तुम्ही काही अभ्यास केला असेल ना, असं पत्रकारांनी विचारलं असता बिचुकलेने माध्यम प्रतिनिधींनाच सुनावलं आहे. माझा अभ्यास काढू नका, तुझा किती अभ्यास आहे. मी कसब्याचा उमेदवार आहे. उद्याचा नेता, भावी मुख्यमंत्री आहे. हा माझा स्थायीभाव आहे, मी चिडलो नाहीये, अशा शब्दात बिचुकलेने पत्रकारांना सुनावलं.