IND vs NED Live Streaming : टीम इंडियाचा नेदरलँड्स विरुद्धचा सामना किती वाजता? जाणून घ्या वेळ

टीम इंडियाने सूर्यकुमार यादव याच्या नेतृत्वात आयसीसी टी 20i वर्ल्ड कप 2026 स्पर्धेत सलग 3 सामने जिंकून विजयी हॅट्रिक पूर्ण केली. इंडियाने पहिल्या 2 सामन्यांमध्ये असोसिएट टीमला पराभूत केल. भारताने यूएसएला पराभूत करत टी 20i वर्ल्ड कप स्पर्धेतील पहिला विजय मिळवला. त्यानंतर टीम इंडियाने नामिबियावर सहज विजय मिळवला. तर तिसऱ्या आणि निर्णायक सामन्यात कट्टर प्रतिस्पर्धी पाकिस्तानला लोळवलं. भारताने परंपरेनुसार पाकिस्तान विरुद्ध सहज आणि सोपा विजय मिळवला. टीम इंडियाचा पाकिस्तान विरुद्धचा हा टी 20i वर्ल्ड कप स्पर्धेतील आठवा विजय ठरला. भारताने या विजयासह सुपर 8 मधील प्रवेश निश्चित केला.

आता टीम इंडिया साखळी फेरीतील आपला शेवटचा सामना खेळण्यासाठी सज्ज झाली आहे. टीम इंडिया आपल्या मोहिमेत साखळी फेरीतील शेवटचा सामना हा नेदरलँड्स विरुद्ध खेळणार आहे. हा सामना कधी आणि कुठे पाहायला मिळेल? सामन्याला किती वाजता सुरुवात होईल? हे आपण सविस्त जाणून घेऊयात.

टीम इंडिया विरुद्ध नेदरलँड्स सामना कधी?

टीम इंडिया विरुद्ध नेदरलँड्स सामना बुधवारी 18 फेब्रुवारीला खेळवण्यात येणार आहे.

टीम इंडिया विरुद्ध नेदरलँड्स सामना कुठे?

टीम इंडिया विरुद्ध नेदरलँड्स सामना अहमदाबादमधील नरेंद्र मोदी स्टेडियममध्ये खेळवण्यात येणार आहे.

टीम इंडिया विरुद्ध नेदरलँड्स सामन्याला किती वाजता सुरुवात होणार?

टीम इंडिया विरुद्ध नेदरलँड्स सामन्याला संध्याकाळी 7 वाजता सुरुवात होणार आहे. तर 6 वाजून 30 मिनिटांनी टॉस होणार आहे.

टीम इंडिया विरुद्ध नेदरलँड्स सामना टीव्हीवर कुठे पाहता येणार?

टीम इंडिया विरुद्ध नेदरलँड्स सामना टीव्हीवर स्टार स्पोर्ट्स नेटवर्कवरील चॅनेल्सवर पाहायला मिळेल.

टीम इंडिया विरुद्ध नेदरलँड्स सामना मोबाईलवर लाईव्ह कुठे बघायला मिळेल?

टीम इंडिया विरुद्ध नेदरलँड्स सामना मोबाईलवर जिओहॉटस्टार एपद्वारे लाईव्ह पाहायला मिळेल.

नेदरलँड्सची कामगिरी

नेदरलँड्सने टी 20i वर्ल्ड कप आणि टी 20i क्रिकेटमध्ये उल्लेखनीय कामगिरी केल्याचा इतिहास आहे. नेदरलँड्सने दक्षिण आफ्रिकेसारख्या संघाला लोळवलं आहे. मात्र नेदरलँड्सला यंदा तसं काही खास करता आलेलं नाही. नेदरलँड्सने साखळी फेरीत 3 पैकी 1 सामना जिंकला आहेत. नेदरलँड्सला यूएसए आणि पाकिस्तान विरुद्ध पराभूत व्हावं लागलं. तर नेदरलँड्सने एकमेव सामना हा नामिबिया विरुद्ध जिंकला आहे.आता नेदरलँड्स टीम इंडिया विरुद्ध कशी कामगिरी करते याकडे चाहत्यांचं लक्ष असणार आहे.