Hingoli School Bus Accident : विद्यार्थ्यांनी भरलेल्या स्कूल बसला मोठा अपघात; ७ ते ८ विद्यार्थी गंभीर जखमी

Hingoli Accident : हिंगोलीतून अपघाताची एक मोठी बातमी समोर आली आहे. एका शाळकरी बसचा भीषण अपघात झालाय. या अपघातामध्ये ७ ते ८ विद्यार्थी गंभीर जखमी झाले आहेत. जखमी विद्यार्थ्यांवर सध्या रुग्णालयात उपचार सुरू आहेत. 

मिळालेल्या अधिक माहितीनुसार, हिंगोलीच्या वसमतमध्ये खाजगी शाळेच्या बसचा अपघात झाला आहे. या अपघातामध्ये सात ते आठ चिमुकले गंभीर जखमी झालेत. अपघात झालेली व्हॅन युनिव्हर्सल इंग्लिश स्कूलची असल्याचं समजलं आहे.

सकाळी विद्यार्थ्यांना घरून शाळेत घेऊन येताना हा अपघात झाल्याची माहिती पोलिसांनी दिली आहे. धक्कादायक बाब म्हणजे विद्यार्थ्यांना आणण्यासाठी गेलेल्या या बसचा चालक मध्येच बदलण्यात आला होता. विद्यार्थ्यांच्या पालकांनी ही माहिती दिली असून ड्रायव्हर बदलल्यानेच अपघात झाल्याचा आरोप आता पालकांनी केला आहे. या घटनेनंतर रुग्णालयामध्ये विद्यार्थ्यांच्या पालकांनी मोठी गर्दी केली होती.

Sudhir Mungantiwar : चंद्रपूर जिल्ह्यातील प्रदूषण नियंत्रणासाठी प्रभावी उपाययोजना कराव्यात; वनमंत्री सुधीर मुनगंटीवार यांचे निर्देश

रस्त्यावर खड्ड्यामुळे वाहने उलटली

परभणीच्या सोनपेठ शहरातील प्रमुख मार्गावर पडलेल्या खड्ड्यांमुळे अपघाताच्या संख्येत वाढ होत आहे. याच खड्ड्यांमुळे एक रिक्षा रस्त्यावर पलटी झाली. या घटनेमध्ये ऑटोचालक गंभीरित्या जखमी झाला असून प्रशासनाने रस्ते दुरुस्तीकडे लक्ष द्यावं अशी मागणी केली आहे. या अगोदर देखील या रस्त्यावर अनेक वेळा छोटे-मोठे अपघात झाले आहेत. परंतु प्रशासन या रस्त्यांच्या दुरुस्तीकडे दुर्लक्ष करत असल्याचा आरोप नागरिक करत आहेत.