Hingoli News : वाळू माफियांची दादागिरी; मध्यरात्री तलाठ्यांच्या घरावर हल्ला, दरवाजा न तुटल्याने दोन तलठ्यांचे प्राण वाचले

Hingoli News : वाळू माफियांची दादागिरी पुन्हा एकदा समोर अली आहे. प्रशासनाकडून वाळू वाहतूक करणाऱ्यांवर कारवाई  करण्यात येत असून याचा राग मनात धरून वाळू माजियांनी शासकीय निवासस्थानी असलेल्या तलाठ्यांच्या घरावर हल्ला केला. मध्यरात्रीच्या सुमारास वाळू माफियांनी ही दहशत माजविली.

हिंगोली जिल्ह्यात पुन्हा एकदा वाळू माफियांची दादागिरी पाहायला मिळाली आहे, अवैध वाळू वाहतूक करणारे डंपर महसूल प्रशासनाने पकडल्याचा राग मनात धरून अज्ञात सात ते आठ वाळू माफियांनी औंढा शहरात शासकीय निवासस्थान असलेल्या तलाठ्याच्या घरावर दगडफेक करत हल्ला केला आहे. धक्कादायक म्हणजे वाळू माफिया घरावर दगडफेक करत असताना दोन तलाठी घरामध्ये झोपले होते. मात्र औंढा पोलीस  वेळीच घटनास्थळी दाखल झाल्याने, दगडफेक करणाऱ्या वाळूमाफियांनी पळ काढला.