Gold-Silver Rate Today 09 February 2026 : अरे देवा ! सोन्या-चांदीचा पुन्हा खणखणाट ! 10 ग्रॅम सोन्यासाठी आता मोजावे लागणार… आजचे दर किती ?

Gold Silver Rate Today : कमकुवत डॉलर आणि चांगली स्पॉट डिमांड यामुळे आज, सोमवार 9 फेब्रुवारी रोजी MCX वर सोन्याच्या किंमती वायूवेगाने वाढल्याचे दिसून आलं. सकाळी बाजार उघडताच MCX वर एप्रिल गोल्ड फ्यूचर्स 3 हजारांपेक्षा अधिक म्हणजेच 2 टक्के वाढलं असून एका तोळ्यासाठी आता 1 लाख 58 हजार 500 रुपये मोजावे लागणार आहे. तसेच MCXवर मार्च महिन्यातील सिल्व्हर कॉन्ट्रॅक्ट्स हे सुमारे 11 हजार रुपयांनी म्हणजेच 4.79 टक्क्यांनी वाढलं असून एक किलो चांदीची किंमत तब्बल 2 लाख 61 हजार 870 रुपये झाली आहे. तर आंतरराष्ट्रीय स्तरावर सोन्याच्या किमती प्रति औंस 5 हजार डॉलर्सपेक्षा जास्त वाढल्या आहेत. सिंगापूरमध्ये सकाळी 08:28 वाजेपर्यंत सोन्याचा भाव 1.3% वाढून 5028.77 डॉलर्स प्रति औंस झाला. चांदीचा भाव 1.7 % वाढून 79.18 वर पोहोचला. एवढंच नव्हे तर प्लॅटिनम आणि पॅलेडियम देखील वाढले.

आता का झाली दरांत वाढ ?

ब्लूमबर्गच्या मते, जपानचे विद्यमान पंतप्रधान साने ताकाची यांच्या निवडणुकीत झालेल्या प्रचंड विजयामुळे सुरुवातीच्या व्यवहारात स्पॉट गोल्ड1.7 % ने वाढले. त्यांच्या विजयामुळे आर्थिक धोरण कमकुवत होण्याची अपेक्षा बळावली आहे आणि येनवर दबाव वाढत आहे, जो गुंतवणूकदारांना चांगले मूल्य संरक्षण मिळवून देण्यासाठी सोन्यासाठी आधारभूत ठरेल. चांदीच्या किमतीही वाढल्या. गेल्या महिन्याच्या अखेरीस विक्रमी तेजीनंतर, मौल्यवान धातू त्यांच्या सर्वकालीन उच्चांकावरून खाली आले होते. शुक्रवारी बाजार बंद होईपर्यंत, सोन्याचा भाव 29 जानेवारीच्या सर्वकालीन उच्चांकावरून सुमारे 11 % खाली आला होता.

वाढीचा वेग

गुंतवणूकदार सॉव्हरिन बाँड्स आणि चलनांपासून दूर जात, सोन्यासारख्या कठीण मालमत्तेकडे वळत आहेत. सोन्यातील तीव्र चढउतारांचे कारण चिनी व्यापारी असल्याचं अमेरिकेचे ट्रेझरी सेक्रेटरी स्कॉट बेसंट यांनी गेल्या आठवड्यात म्हटलं होतं.

ऐतिहासिक घसरणीनंतर रिकव्हरी

आठवडाभर व्यापार सुरू असूनही, सोन्याने त्याच्या तोट्याच्या जवळपास निम्म्या रकमेतून सावरले आहे. दीर्घकालीन मागणी घटकांमुळे ड्यूश बँक एजी आणि गोल्डमन सॅक्स ग्रुप इंक. सारख्या बँकांनी सोन्याच्या रिकव्हरीला पाठिंबा दिला आहे. आठवड्याच्या शेवटी समोर आलेल्या आकडेवारीवरून असं दिसून आलं की चीनच्या मध्यवर्ती बँकेने १५ 15 महिन्यात सोने खरेदी सुरू ठेवली आहे, ज्यामुळे अधिकृत मागणीत स्थिरता दिसून येते.