Gautam Gambhir : टीम इंडियाचा कोच आता दिसणार नाही ? गौतम गंभीरला मिळाली मोठी ऑफर..

Gautam Gambhir : टीम इंडियाचा मुख्य कोच – प्रशिक्षक असलेला गौतम गभीर हा सध्या भारतीय संघासह T20 वर्ल्ड कप 2026 मध्ये बिझी आहे. पण याच बिझी शेड्युलदरम्यान त्याच्याबद्दल एक मोठी अपडेटही समोर आली आहे, गंभीरच नाव राजस्थान रॉयल्सशी जो़डलं गेल्याची माहिती समोर येत आहे. आयपीएलमधील संघ असलेल्या राजस्थान रॉयल्सला लवकरच त्याचा नवीन मालक मिळणार आहे. पण याचदर्यमान एकं असंही वृत्त समोर येतंय की, राजस्थान रॉयल्स च्या मॅनेजमेटने गंभीरला करारबद्ध करण्यासाठी इंटरेस्ट दर्शवला आहे. एवढंच नव्हे तर राजस्थानच्या आयपीएल फ्रँचायझीने गंभीरला तीन रोल ऑफर केले आहेत.

राजस्थान रॉयल्सकडून गंभीरला 3 प्रस्ताव – रिपोर्ट

एका वृत्तपत्रामधील रिपोर्टनुसार, राजस्थान रॉयल्सच्या तीन नवीन मालकांपैकी एकाने, टीम इंडियाचा मुख्य प्रशिक्षक असलेल्या, गौतम गंभीरला पार्टनर, मेंटॉर आणि सीईओ पदाची ऑफर दिली आहे. मात्र, रिपोर्ट्सनुसार, गंभीरने ही ऑफर स्वीकारलेली नाही आणि तो स्वीकारेल अशी शक्यता कमी दिसते आहे. त्यामागचं कारण काय, ते जाणून घेऊया.

गौतम गंभीर का नाकारेल RR ची ऑफर ?

पहायला गेलं तर मुख्य प्रशिक्षक म्हणून गौतम गंभीरचा टीम इंडियासोबत, 2027 च्या वर्ल्डकपपर्यंत करार आहे. त्यामुळे, या भूमिकेत असतानाच जर त्याने राजस्थान रॉयल्सची ऑफर स्वीकारली तर ते हितसंबंधांचा संघर्ष मानला जाऊ शकतो. लोढा समितीच्या शिफारशींनंतर सर्वोच्च न्यायालयाने दिलेल्या निर्णयानुसार, एखादी व्यक्ती भारतीय संघाची प्रशिक्षक आणि त्यासोबतच, आयपीएल फ्रँचायझीचा भागीदार, सीईओ किंवा मार्गदर्शक, अशा दोन्ही ठिकाणी पदांवर असू शकत नाही.

त्यामुळे जर गौतम गंभीरला राजस्थान रॉयल्समध्ये सामील होण्याची इच्छा असेल तर टीम इंडियाचे प्रशिक्षकपद सोडावं लागेल हे स्पष्ट आहे. पण वृत्तपत्राच्या वृत्तानुसार, गंभीरच्या जवळच्या सूत्रांनी या विषयावर भाष्य करण्यास नकार दिला आहे.

प्रशिक्षक म्हणून यशस्वी कामगिरी

आयपीएलमध्ये मार्गदर्शक म्हणूनचा गंभीरचाचा कार्यकळ उत्कृष्ट होता. त्याने कोलकाता नाईट रायडर्सला चॅम्पियनचा दर्जा मिळवून दिला. त्याच्या मार्गदर्शनाखाली, लखनऊ सुपर जायंट्स या नवीन आयपीएल संघानेही चांगली कामगिरी केली आणि ते प्लेऑफमध्ये पोहोचले होते. त्यामुळे गौतम गंभीरची ही कामगिरी पाहता राजस्थान रॉयल्सने गंभीरला, त्यांच्या संघात समावेश करण्यासाठी प्रस्ताव ठेवला असण्याची शक्यता आहे.