ENG vs SL Super 8 Live Streaming : इंग्लंडसमोर श्रीलंकेचं आव्हान, सुपर 8 मध्ये कोण करणार विजयी सुरुवात?

सहयजमान श्रीलंका क्रिकेट टीम आयसीसी टी 20i वर्ल्ड कप 2026 स्पर्धेतील सुपर 8 फेरीतील दुसरा आणि एकूण 42 व्या सामन्यात इंग्लंडचा सामना करणार आहे. इंग्लंड आणि श्रीलंका या दोन्ही संघांचा हा सुपर 8 फेरीतील पहिलाच सामना असणार आहे. हॅरी ब्रूक इंग्लंडचं नेतृत्व करणार आहे. तर दासून शनाका याच्या खांद्यावर श्रीलंकेच्या कर्णधारपदाची धुरा आहे. दोन्ही संघांनी साखळी फेरीत बरोबरीची कामगिरी केलीय. दोन्ही संघांनी साखळी फेरीतील 4 पैकी 3 सामने जिंकले आहेत. अशात आता सुपर 8 मधील पहिल्या सामन्यात कोणता संघ विजयी सलामी देण्यात यशस्वी ठरणार? हे पाहणं औत्सुक्याचं ठरणार आहे. इंग्लंड विरुद्ध श्रीलंका सामना टीव्ही-मोबाईलवर कुठे पाहता येणार? हे जाणून घेऊयात.