Eknath Shinde : PM मोदींप्रमाणे मी सुद्धा एकही सुट्टी न घेता काम करतोय: CM शिंदे

यावेळी मोठ्या संख्येने उपस्थित असलेल्या ठाणेकरांना मुख्यमंत्र्यांनी संबोधित केले. नरेश म्हस्के यांना दिले जाणारे मत म्हणजे पंतप्रधान नरेंद्र मोदीजी यांना मिळणारे मत आहे. त्यामुळे महायुतीचे उमेदवार नरेश म्हस्के यांच्या पाठीशी ठामपणे उभे राहून त्यांना मोठ्या मताधिक्याने निवडून द्यावे असं आवाहन मुख्यमंत्री शिंदेंनी केलं. यंदाची निवडणूक ही विकासाची निवडणूक असून देशाला खरोखरच पुढे घेऊन जायचे असेल तर पंतप्रधान नरेंद्र मोदी यांचे हात बळकट करावे लागतील. पंतप्रधान मोदी यांनी देशाची अर्थव्यवस्था ११ व्या क्रमांकावरून पाचव्या क्रमांकावर आणलीय. देशाच्या जीडीपीमध्ये सर्वाधिक भर घालणारे आपले राज्य आहे.

पाच ट्रीलियनची अर्थव्यवस्था करायची असेल तर त्यासाठी एमएमआर रिजनचा त्यात मोठा वाटा असणार आहे. त्यामुळे ठाणे, कल्याण-डोंबिवली, भिवंडी या जागेवर महायुतीचेच उमेदवार जिंकायला हवेत. त्यासाठी एकदिलाने कामाला लागा आणि म्हस्के यांना बहुमताने विजयी करा, असे आवाहन ठाणे लोकसभा मतदारसंघातील मतदारांना केले.