Eastern Express Highway : मध्य रेल्वेच्या महामेगाब्लॉकचा फटका; ईस्टर्न एक्स्प्रेस वेवर प्रचंड वाहतूक कोंडी, प्रवाशांचा खोळंबा

 मेगाब्लॉकमुळे ईस्टर्न एक्स्प्रेस मार्गावर मोठ्या प्रमाणात वाहतूक कोंडी झाली आहे. मुंबईच्या दिशेने कामाला जाणाऱ्या वाहनधारक आणि प्रवाशांना मोठा फटका बसताना दिसत आहे. रेल्वेच्या मेगाब्लॉकमुळे ईस्टर्न एक्स्प्रेस मार्गावरील मुलुंड ते कांजूरच्या दरम्यान लांबच लांब रांगा लागल्या आहेत. यामुळे वाहतूक कोंडीचा प्रवाशांना नाहक त्रास सहन करावा लागत आहेत.एरोली लिंक रोडवर अपघातामुळे प्रचंड वाहतूक कोंडीएरोलीमधील लिंक रोडवर कंटेनर उलटल्याने वाहतूक कोंडी झाली आहे.

लिंक रोडवरील ही वाहतूक कोंडी सुरळीत करण्याचे प्रयत्न वाहतूक पोलिसांकडून केले जात आहेत. उलटलेला कंटेनर हा रस्त्याच्या बाजूला काढण्यात आलेला आहे.उलटेलला कंटेनर रस्त्यावरून इतर ठिकाणी हलविण्याचे प्रयत्न वाहतूक पोलिसांकडून केले जात असल्याचे पाहायला मिळत आहे. या अपघातामुळे ठाण्याच्या दिशेला जाणारी वाहतूक प्रभावित झाली आहे. ईस्टर्न एक्स्प्रेस वेवर मुंबईहून ठाणे आणि नवी मुंबईकडेही जाणाऱ्या मार्गिकेवर वाहनांच्या लांबच लांबा रांगा लागल्या आहेत.