Devendra Fadnavis News : उपमुख्यमंत्र्यांच्या भेटीला आलेले वृद्ध सामाजिक कार्यकर्ते भोवळ येऊन जमिनीवर कोसळले

Solapur News: राज्यात ऊन्हाचा तडाखा वाढला आहे. ऊन्हामुळे नागरिकांना अनेक व्याधींचा सामना करावा लागतोय. अशात आज उपमुख्यमंत्री देवेंद्र फडणवीस यांच्या भेटीला आलेला एक व्यक्ती अचानक जमिनीवर कोसळला. त्यामुळे उपस्थितांमध्ये एकच गोंधळ उडाला. 

मिळालेल्या अधिक माहितीनुसार, उपमुख्यमंत्री देवेंद्र फडणवीस आज सोलापूर दौऱ्यावर आहेत. देवेंद्र फडणवीस यांच्या हस्ते महसूल भवनाचं लोकार्पण होणार आहे. या कार्यक्रमासाठी भाजपचे अनेक पदाधिकारी सोलापूरात दाखल झालेत.

तसेच यावेळी पक्षाचा मेळावा देखील घेण्यात येणार आहे. दरम्यान येथे देवेंद्र फडणवीस यांना भेटण्यासाठी एक वृद्ध व्यक्ती आला होता. निवेदन देण्यासाठी वृद्ध आल्याचे समजले आहे. देवेंद्र फडणवीसांना निवेदन देतानाच वृद्ध आजोबांना भोवळ आली. त्यामुळे ते खाली कोसळले.