Delhi Fire Accident : दिल्लीत बेबी केअर सेंटला भीषण आग, ६ नवजात बालकांचा होरपळून मृत्यू,

आग लागल्याचं कळताच कर्मचाऱ्यांनी आरडाओरड सुरू केली. क्षणार्धात आगीचा भडका उडाल्याने संपूर्ण बेबी केअर सेंटर आगीच्या विळख्यात सापडलं. कर्मचाऱ्यांनी जीव वाचवण्यासाठी बाहेर धाव घेतली. मात्र, या आगीत ६ नवजात बाळांचा होरपळून मृत्यू झाला. आगीची माहिती मिळताच अग्निशमन दलाच्या १६ गाड्या घटनास्थळी दाखल झाल्या.

जवानांनी जीवाची बाजी लावून १२ नवजात बालकांना बाहेर काढलं. यातील ५ बालके गंभीर जखमी आहेत. त्यांना उपचारासाठी रुग्णालयात दाखल करण्यात आलं आहे. आगीनंतर रुग्णालयातील डॉक्टर तसेच कर्मचारी पळून गेले आहेत. आगीचं कारण अद्याप अस्पष्ट असून पोलीस घटनेचा तपास करीत आहेत. बालकांचा होरपळून मृत्यू झाला.