Delhi : मोठी बातमी! दिल्ली ब्लास्ट प्रकरणात पुलवामाशी संभाव्य धागे समोर; कार मालक पोलिसांच्या ताब्यात

Delhi : राजधानी दिल्लीमध्ये सोमवारी सायंकाळी झालेल्या कार ब्लास्टने देश हादरला. आय २० कारमध्ये मोठ्या प्रमाणात स्फोटके होती, हल्ल्यात ११ जणांना जीव गमावावा लागलाय. तपास यंत्रणाकडून या स्फोटाचा तपास केला जातोय. पोलिसांकडून परिसरातील सीसीटीव्ही फुटेज तपासून काढले आहेत. त्याशिवाय करच्या क्रमांकावरून कारच्या मालकाला ताब्यात घेतले आहे. राजधानी दिल्लीमध्ये झालेल्या स्फोटाप्रकरणी तपास यंत्रणांनी ४ जणांना ताब्यात घेतले असून चौकशी करण्यात येत आहे. 

दिल्ली कार बॉम्बस्फोटांच्या तपासात एक अतिशय गंभीर आणि खळबळजनक खुलासा झाला आहे. सूत्रांनी दिलेल्या माहितीनुसार, ज्या हुंडई आय-20 कारमध्ये स्फोट झाला होता ती अनेक वेळा विकली गेली होती... त्याचे पुलवामा कनेक्शन देखील समोर येत आहे... या स्फोटात 11 जणांचा मृत्यू झाला आणि 30 जण जखमी झाले आहेत. स्फोटात वापरण्यात आलेली आय-२० कार अनेक वेळा खरेदी-विक्री करण्यात आल्याचे तपास यंत्रणांना तपासात आढळून आले आहे.

Delhi : दिल्लीतील स्फोटानंतर मुंबई, पुणे आणि देशातील अनेक प्रमुख शहरांना उच्च सतर्कतेचा अलर्ट जारी

सर्वात चिंताजनक बाब म्हणजे ती पुलवामा येथील रहिवासी तारिकला विकण्यात आली होती. सूत्रांनी दिलेल्या माहितीनुसार, कारच्या खरेदी-विक्रीमध्ये बनावट कागदपत्रांचा मोठ्या प्रमाणात वापर करण्यात आला होता, ज्यामुळे कारच्या खऱ्या मालकाची ओळख अद्याप पटलेली नाही. या फसवणुकीमुळे स्फोटाच्या कटात सहभागी असलेल्यांच्या हेतूंबद्दल गंभीर प्रश्न उपस्थित होतात..

दिल्ली पोलिसांच्या विशेष पथकाला कार ब्लास्ट प्रकरणातत अनेक महत्त्वाचे पुरावे सापडले आहेत.. जे सूचित करतात की हा आत्मघाती हल्ला असू शकतो. ही कार हरियाणातील गुरुग्राम उत्तर रेल्वे स्टेशनवर नोंदणीकृत होती. तिचा क्रमांक, HR 26 7624, मोहम्मद सलमान नावाच्या व्यक्तीचा आहे, ज्याला पोलिसांनी ताब्यात घेतले आणि चौकशी केली. सलमानने चौकशीवेळी कार कुणाला विकली, याबाबतची माहिती दिली. त्याने सांगितले की, ही कार जम्मू आणि काश्मीरमधील पुलवामा येथील रहिवासी तारिक नावाच्या व्यक्तीला विकली होती...तारिकला जम्मू आणि काश्मीर पोलिसांनी ताब्यात घेतले आहे. तारीकने ही का उमर याला विकल्याचे तपासात समोर आले आहे.