Chhatrapati Sambhaji Nagar Accident: हृदयद्रावक! नियंत्रण सुटल्याने टेम्पो कालव्यात कोसळला, वडिलांचा बुडून मृत्यू; चिमुकली गेली वाहून

Chhatrapati Sambhaji Nagar : छत्रपती संभाजीनगरमध्ये हृदयद्रावक घटना घडली आहे. बाप आणि लेकीचा अपघातामध्ये दुर्दैवी मृत्यू झाला आहे. छत्रपती संभाजीनगरच्या वरखेड गावाजवळ ही घटना घडली आहे. भरधाव टेम्पो कालव्यामध्ये पडला. या अपघातामध्ये कालव्यामध्ये बुडून वडिलांचा मृत्यू झाला तर अडीच वर्षांची चिमुकली वाहून गेली आहे. या मुलीचा शोध सुरु आहे.

मिळालेल्या माहितीनुसार, छत्रपती संभाजीनगरच्या वरखेड गावाजवळ गंगापूर तालुक्यातील नांदुरमधमेश्वरच्या कालव्यामध्ये टेम्पो कोसळला. कालव्यावरील एस आकाराच्या पुलामुळे वळण न घेतल्याने टेम्पो थेट कालव्यात पडला. या अपघातामध्ये चालकाचा पाण्यात बुडून मृत्यू झाला. तर या चालकाची अडीच वर्षांची मुलगी कालव्यामध्ये वाहून गेली आहे.

Cm Eknath Shinde : १५ दिवसांत बैठक घेऊन सकारात्मक तोडगा काढू, अप्पर वर्धा धरणग्रस्तांबाबत मुख्यमंत्र्यांचे आश्वासन

घटनेची माहिती मिळताच स्थानिक ग्रामस्थांनी आणि पोलिसांनी घटनास्थळी धाव घेतली. ग्रामस्थांनी टेम्पो चालकाचा मृतदेह कालव्याच्या बाहेर काढला तर अडीच वर्षांच्या मुलीचा शोध सुरु आहे. सुधाकर वैराळ असं मृत टेम्पो चालकाचे नाव आहे. तर श्रद्धा वैराळ ही अडीच वर्षांची मुलगी वाहून गेली आहे. जेसीबीच्या सहाय्याने टेम्पो कालव्यातून बाहेर काढण्यात आला आहे. या हृदयस्पर्शी घटनेने परिसरात हळहळ व्यक्त केली जात आहे. पोलिसांकडून या अपघाताचा तपास सुरु आहे.