Buldhana News : अज्ञात वाहनाची कारला धडक, डॉक्टर मुलासह आईचा जागीच मृत्यू

Buldhana News : नववधूच्या घरी होळीचा सण साजरा करून परतीच्या वाटेवर असलेल्या अकोला जिल्ह्यातील बाळापूर येथील माळोदे कुटुंबावर काळाने झडप घातली. ज्ञात वाहनाच्या धडकेत कारमधील डॉक्टर मुलासह आईचा जागीच मृत्यू झाला आहे. तर वडील गंभीर स्वरूपाने जखमी झाल्याची घटना खामगाव बाळापुर मार्गावरील हॉटेल सुदर्शन ढाब्याजवळ 31 मार्च रोजी सायंकाळी सात वाजे दरम्यान घडली आहे.

मिळाल्या माहितीनुसार, बाळापूर येथील रहिवासी रामराव लक्ष्मण माळोदे यांचा मुलगा दंत शैल्य चिकित्सक डॉ. निलेश रामराव माळोदे (२७) याचा विवाह इंदोर येथील एका मुलीशी ठरला होता. सदर नववधूला होळीचा सण साजरा करण्यासाठी रामराव लक्ष्मण माळोदे, डॉ. निलेश रामराव माळोदे व संगीता रामराव माळोदे हे तिघे कार इंदोर येथे गेले होते.