Aut o Fare Hike : रिक्षाचं भाडं वाढवा, अन्यथा... संघटनेकडून राज्य सरकारला अल्टिमेटम

सध्याची वाढती महागाई पाहता गेल्या वर्षी किमान २१ रुपयांचे भाडे वाढवून २३ रुपये करण्यात आले. मात्र फक्त २३ रुपये भाडे परवडणारे नाही. गेल्यावर्षी केलेला करार आम्हाला मान्य नाही. या किंमतीत आम्हाला खर्च चालवणे कठीण आहे, असंही रिक्षा संघटनेमधील एका व्यक्तीने म्हटलंय.

रिक्षा चालकांनी पुढे म्हटलं की, आम्हाल भाडेवाढ मिळावी यासाठी स्थापन समितिने अहवाल सादर केलेत. समितिने दिलेल्या अहवालात रिक्षा भाडे २ रुपयांनी वाढवून २५ रुपये करण्यात यावे असं लिहिलं आहे.

या प्रकरणी वरिष्ठ परिवहन अधिकारी यांनी आपली प्रतिक्रिया दिलीये. त्यांनी म्हटलं की, कोणताही भाडेवाढीचा प्रस्ताव प्रथम परिवहन सचिवांच्या अध्यक्षतेखाली मुंबई महानगर प्रदेश परिवहन प्राधिकरणासमोर (एमएमआरटीए) आणला जातो. त्यानुसार भाडेवाढ करायची की नाही हे ठरवले जाते.

वाहनांचा भांडवली खर्च, देखभाल आणि दुरुस्ती खर्च, विमा, कर यासह इतर काही घटकांमुळे भाडेवाढ व्हावी अशी मागणी केली जातेय. MMRTA ने ऑक्टोबर २०२२ मध्ये रिक्षासाठी २ रुपये आणि टॅक्सींसाठी ३ रुपये वाढ दिली होती. यात रिक्षाचे किमान भाडे २१ ते २३ रुपये आणि टॅक्सींसाठी २५ ते २८ रुपये करण्यात आले.