Ajit Pawar Death : अजित पवारांचा मृत्यू कसा झाला? विमानाचा ब्लॅक बॉक्स सापडला; खरे कारण उघड होणार

Pune : महाराष्ट्राचे लाडके उपमुख्यमंत्री अजित पवार यांचे बुधवारी मुंबईहून बारामतीला जात असताना विमान अपघातात निधन झाले. या दुर्घटनेत विमानातील पाच जणांचा मृत्यू झाला. आता या विमानाचा ब्लॅक बॉक्स सापडला असून, यातून अपघाताचे नेमके कारण स्पष्ट होण्यास मदत होईल.

नागरी उड्डाण महासंचालनालयाच्या सूत्रांनी दिलेल्या माहितीनुसार, Learjet विमानाचा ब्लॅक बॉक्स जप्त करण्यात आला आहे. ब्लॅक बॉक्स हे एक असे उपकरण आहे ज्यात विमानाची प्रत्येक हालचाल नोंदवली जाते. कोणत्याही विमान अपघातानंतर ब्लॅक बॉक्स शोधला जातो, जेणेकरून अपघाताचे खरे कारण समोर येऊ शकेल. याला ब्लॅक बॉक्स म्हटले जात असले तरी, प्रत्यक्षात हा नारंगी रंगाचा एक छोटा बॉक्स असतो.

Ajit Pawar Death : विमान एका बाजूला झुकताच प्रवाशांमध्ये घबराट; मुलांचा आक्रोश, बाहेर पडण्याचा प्रयत्न… पण क्षणात होत्याचं नव्हतं झालं

ब्लॅक बॉक्सची रचना अशी असते की तो कोणत्याही अपघातात तो सुरक्षित राहतो. स्फोट, टक्कर, भीषण आग, उच्च तापमान आणि पाण्यातही तो सुरक्षित राहतो आणि त्यात विमानाचा डेटा सुरक्षित असतो. हा डेटा मिळाल्यानंतर विमान अपघाताचे विश्लेषण करणे सोपे होते. ब्लॅक बॉक्समधून मिळालेला डेटा भविष्यात विमान अपघात टाळण्यासाठीही उपयुक्त ठरू शकतो.

अजित पवार यांच्यावर गुरुवारी दुपारी 12 वाजताच्या सुमारास शासकीय इतमामात अंत्यसंस्कार करण्यात आले. त्यांचे अंत्यसंस्कार त्यांच्या राजकीय बालेकिल्ला असलेल्या बारामती येथे करण्यात आले. त्यांच्या अंत्यसंस्कारासाठी केंद्रीय गृहमंत्री अमित शाह, भाजप अध्यक्ष नितिन नवीन, महाराष्ट्र मुख्यमंत्री देवेंद्र फडणवीस आणि उपमुख्यमंत्री एकनाथ शिंदे, केंद्रीय मंत्री नितीन गडकरी उपस्थित होते.

विमानात उपमुख्यमंत्री अजित पवार यांच्यासोबत क्रूचे दोन सदस्य, कॅप्टन सुमित कपूर, को-पायलट शांभवी पाठक आणि सुरक्षा अधिकारी विदीप जाधव आणि फ्लाईट अटेंडंट पिंकी माळी होते. या सर्वांचा या अपघातात मृत्यू झाला आहे.

मिळालेल्या माहितीनुसार, विमान रनवेच्या शॉर्ट ऑफ द थ्रेशोल्ड क्रॅश झाले. जरी ते एअरस्ट्रिपच्या आतच होते, तरीही अपघात गंभीर होता आणि क्रॅश झाल्यानंतर विमानाला आग लागली, ज्यात सर्व काही जळून खाक झाले. अपघाताची चौकशी सुरू असून, ब्लॅक बॉक्स सापडल्याने या तपासाला आता गती मिळण्याची शक्यता आहे.