Ajit Pawar : 'शपथ खरी करुन दाखवली...' मराठा आरक्षणाच्या निर्णयावर अजित पवारांची पहिली प्रतिक्रिया

काय म्हणाले अजित पवार?

"राज्याचे मुख्यमंत्री एकनाथ शिंदे हे मराठा आहेत. दसरा मेळाव्यात त्यांनी छत्रपती शिवाजी महाराजांच्या पदस्पर्शाला हात लावून समस्त लाखो मराठा जणांच्या समोर मराठा आरक्षण देण्याची शपथ घेतली होती ती शपथ मुख्यमंत्र्यांनी खरी करून दाखवली, त्याचा सार्थ अभिमान आहे," असे उपमुख्यमंत्री अजित पवार म्हणाले.

महायुती सरकारकडून धडाडीचे निर्णय...

तसेच "मुख्यमंत्र्यांनी या संदर्भात खूप कष्ट घेतले. आरक्षणावर त्यांनी मार्ग काढला तो सर्वांना मान्य झाला. महायुतीचे सरकार अशाच पद्धतीचे धडाडीचे निर्णय घेत आहेत आगामी काळात देखील असेच निर्णय घेत राहील," असा विश्वासही अजित पवार यांनी व्यक्त केला.