सांगली : टँकरचे चाक निखळून विचित्र अपघात; डोक्‍याला मार लागल्‍याने महिला ठार, तर एक गंभीर जखमी

सांगली : सांगली जिल्ह्यातील झरे येथे ट्रकचा विचित्र अपघात झाला आहे. ज्यामध्ये ट्रकने तीन वाहनांना जोरदार धडक दिली. त्यानंतर भरधाव वेगात असलेल्या टॅंकरची मागील बाजूची चाके निखळून एक महिला ठार झाली आहे. तर एक जण जखमी झाली आहे. तर या अपघातात दोन वाहनांचा चक्कचुर झाला.

आटपाडी तालुक्यातील झरे येथील एका कृषी केंद्रासमोर रस्त्यावर भरधाव आलेल्या टँकरने पहिल्यांदा एका गाडीला जोरदार धडक दिली. ज्यामध्ये राणी पवार या गंभीर जखमी झाल्या. त्यानंतर वाघजाई बोरवेलच्या समोर टीव्हीएस लुना गाडीलाही टँकरने उडवले. यावेळी टँकरचे मागील डाव्या बाजूला असलेली चाके निखळले आणि त्या चाकाची संगीता पवार यांच्या डोक्याला जोरदार धडक बसली. यामुळे त्यांचा मृत्यु झाला.

टँकर चालकांनी वेगाने आपली गाडी पळवण्याचा प्रयत्न केला. मात्र गावातला तरुणांनी टँकरचा पाठलाग करून आणि टँकर चालकाला पोलिसांच्या ताब्यात दिला आहे. याप्रकरणी पोलीस ठाण्यामध्ये टँकर चालक सुरेश सूर्यवंशी याच्यावर गुन्हा दाखल करण्यात आला आहे.