मुंबई: FIR मध्ये सोमय्यांच्या गाडीवर फक्त दगड फेकल्याचा उल्लेख

मुंबई: किरीट सोमय्या यांच्या गाडीवर हल्ला झाल्यावर राज्याचे राजकारण चांगलेच तापले आहे. आता एक नवी माहिती पुढे आली आहे. FIR मध्ये सोमय्यांच्या  गाडीवर फक्त दगड फेकल्याचा उल्लेख करण्यात आला आहे. तर सोमय्या म्हणाले होते की, माझ्यावरील हल्ल्याला पोलीस आयुक्त संजय पांडेच जबाबदार आहेत. मी पोलिसांना सांगितले होते की, आपल्यावर हल्ला होणार आहे.

मात्र, ते म्हणाले की आम्ही जबाबदारी घेतली आहे, पण गेट उघडताच गुंडांनी माझ्यावर हल्ला केला. पोलिसांनी त्यांना सहकार्य केले आहे. हे पाप पोलिसांचे आहे. याला पोलीस आयुक्त संजय पांडेच जबाबदार राहणार आहेत, असा हल्लाबोल सोमय्या यांनी केला आहे. राणा दाम्पत्याला अटक केल्यानंतर त्यांची भेट घेण्यासाठी किरीट सोमय्या हे खार पोलीस स्थानकात गेले होते.पोलिसांच्या हजेरीत महाराष्ट्राचे मुख्यमंत्री उद्धव ठाकरेंचे  गुंड मारहाण करतात. ठाकरेंच्या गुंडानी माझा जीव घेण्याचा प्रयत्न केला आहे.

तसेच पोलिस महासंचालक संजय पांडे यांच्यावर आरोप करत पांडेंनी घटनेचे cctv फुटेज गायब केले आहेत, त्यांची खात्यांतर्गत चौकशी करा अशी मागणी केली आहे. सोमय्या म्हणाले की, खार रोड पोलीस स्टेशन येथे जो माझ्यावर हल्ला करण्यात आला, तो ठाकरे सरकारने स्पॉन्सर्ड केलेला हल्ला होता. किरीट सोमय्याचा मनसुख हिरेन करायचा असे नियोजन संजय पांडे आणि उद्धव ठाकरेंनी केलं असल्याचा खळबळजनक दावाही किरीट सोमय्यांनी केला होता. हा हल्ला उद्धव ठाकरेंच्या आदेशाने संजय पांडेंनी घडवून आणला आहे. असे सोमय्या यावेळी म्हणाले आहेत.